Сарвазири Қирғизистон бо сафари корӣ ба Тоҷикистон ташриф овард
Душанбе, 11.05.2016 /АМИТ «Ховар» /. Имрӯз Сарвазири Ҷумҳурии Қирғизистон Сооронбой Жээнбеков бо сафари корӣ ба Ҷумҳурии Тоҷикистон ташриф овард.
Дар «Фурудгоҳи байналмилалии Душанбе» меҳмони олимақомро Сарвазири Ҷумҳурии Тоҷикистон Қоҳир Расулзода ва дигар шахсони расмӣ истиқбол гирифтанд.
Зимни сафари худ Сарвазири Ҷумҳурии Қирғизистон Сооронбой Жээнбеков дар маросими расмии оғози сохтмони иншооти лоиҳаи CASA-1000 иштирок хоҳад кард.
Бино ба маълумоти шуъбаи таъмини иттилооти Дастгоҳи Ҳукумати Ҷумҳурии Қирғизистон, дар доираи сафар ба Тоҷикистон мулоқоти дуҷонибаи Сооронбой Жээнбеков бо роҳбарияти Тоҷикистон ва Сарвазири Афғонистон Абдуллоҳ Абдуллоҳ ба нақша гирифта шудаанд, ки зимни онҳо ҳолат ва дурнамои ҳамкории Тоҷикистону Қирғизистон ва Қирғизистону Афғонистон муҳокима мешавад.
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
