Сатҳи таваррум дар моҳҳои январ-апрел муътадил буд

Душанбе, 14.05.2016 /АМИТ «Ховар»/. Аз рӯи ҷамъбасти моҳи апрели соли равон сатҳи таваррум коҳиш ёфта, ба 0,4 дарсад баробар шуд, ки ин нисбат ба моҳи апрели соли гузашта 0,3 банди фоизӣ кам мебошад.
Ба раванди мазкур дар баробари татбиқи сиёсати босамари макроиқтисодии Ҳукумати Ҷумҳурии Тоҷикистон ва пешниҳоди муътадили молу маҳсулоти истеҳсоли дохилӣ, ҷараёни муътадили тағйирёбии маҳсулоти ғайрихӯрокворӣ ва хизматрасониҳо мусоидат намуд.
Тибқи мониторинги Бонки миллӣ моҳи апрели соли равон нархи пиёз, биринҷ, равғани пахта, орди навъи якум, шир, шакар, тухм, мош, бодиринг, ангишт ва хишти пухта арзон шуд.
Ҳамин тариқ, сатҳи таварруми солона дар моҳи апрели соли 2016 5,3 дарсадро ташкил намуда, нисбат ба ҳамин моҳи соли гузашта 0,6 банди фоизӣ паст гардид.