Шаҳром Самиев муаллифи се голи “Помир” шуд

Душанбе, 5.05.2016 /АМИТ «Ховар»/. Дар бозиҳои даври сеюми Чемпионати мамлакат дар лигаи якум дастаҳои “Помир”-и Душанбе ва “Зарафшон”-и Панҷакент дар Варзишгоҳи марказӣ бо ҳам рақобат карданд. Ба хато роҳ додани бозингарон ба он оварда расонд, ки довар се нафар бозингарро аз майдон ронд.

Ба ҳамлагари “Помир” Шаҳром Самиев муяссар шуд, ки бо се голи задааш ғалабаи соҳибони майдонро таъмин кунад.

Дар натиҷа “Помир” баъди ин пирӯзӣ ба зинаи 2-юми ҷадвали мусобиқот баромад.

Дар зинаи аввали ҷадвал  дастаи  “Саройкамар”-и ноҳияи Панҷ қарор дорад. “Саройкамар” дар даври сеюм  дар меҳмонӣ дастаи “Коммуна”-и Фархорро бо ҳисоби 2:0 мағлуб кард.

Дастаи “Панҷшер”-и ноҳияи Румӣ ин навбат  дар меҳмонӣ аз тими “Канд”-и Конибодом бо ҳисоби 0:1 шикаст хӯрд ва бо 6 имтиёз ба зинаи сеюм фаромад.

Дастаи “Парвин” аввалин ғалабаашро дар лигаи аввал ба даст овард ва бар “Ваҳдат” бо натиҷаи 2:0 зафар ёфт.

Вохӯрии «Ҳулбук» бо «Исфара» бо ҳисоби 1:2 ва «Локомотив» бо «Чашма» бо ҳисоби  0:0 ҷамъбаст гардид.