Ширкати «Сомон Эйр» сертификати IOSA-ро соҳиб шуд
Душанбе, 22.05.2016 /АМИТ «Ховар»/. Ширкати ҳавопаймоии «Сомон Эйр» миёни ширкатҳои ҳавопаймоии Тоҷикистон нахустин шуда, бо муваффақият аз аудити амалии бехатарии парвозҳои IATA (IOSA) гузашта, сертификати IOSA-ро соҳиб шуд. Маросими супоридани сертификат дар шаҳри Душанбе баргузор гардид. Директори генералии ширкати ҳавопаймоии «Сомон Эйр» Эвхенио Хайме Манзано сертификатро аз намояндаи минтақавии Ассотсиатсияи байналмилалии нақлиёти ҳавоӣ дар Осиёи марказӣ Ҷордан Карамалаков қабул намуд.
Тавре ки котиби матбуотии ин ширкат Тимур Бандишоев хабар дод, дар ҷараёни аудит, ки гузаштани он барои дархости узвияти комилҳуқуқи IATA (Ассотсиатсияи байналмилалии нақлиёти ҳавоӣ) ҳатмӣ мебошад, кулли раёсатҳои истеҳсолии ширкати ҳавопаймоӣ санҷида шуданд.
«Бо дарёфти сертификати бақайдгирӣ ба сифати оператори IOSA, ширкати ҳавопаймоии «Сомон Эйр» ба талаботи байналмилалии бехатарии парвозҳо ҷавобгў гардид. Пас аз 8 соли фаъолият «Сомон Эйр» ҳамоно пешсафи соҳа буда, дастёбӣ ба сертификати бақайдгирии ширкат ба сифати оператори IOSA марҳилаи навин дар таърихи музаффариятҳои ширкат мебошад. Ширкати ҳавопаймоии «Сомон Эйр» аз ин дастоварди худ, ки инъикосгари устувории ширкат ва фаъолияти фидокоронаи мутахассисони кордони ширкат мебошад, ифтихор намуда, аз рушди минбаъдаи ҳамкории ширкат бо ширкатҳои ҳавопаймоии аъзои IATA (Асотсиатсияи байналмилалии нақлиёти ҳавоӣ) умедвор мебошад»,-илова намуд Т.Бандишоев.
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
