Сомонаи факултети журналистика дар ҷаҳони интернет иқдоми саривақтист

Душанбе, 20.05.2016 /АМИТ «Ховар»/. Дар факултети журналистикаи Донишгоҳи миллии Тоҷикистон сомонаи интернетӣ (www. Journalism.tnu.tj )  фаъол гардид.
Доир ба фаъол гардидани сомона ректори Донишгоҳи миллии Тоҷикистон Муҳаммадюсуф Имомзода изҳори хушнудӣ намуда иброз дошт, ки кушода шудани сомонаи факултети журналистика дар ҷаҳони интернет иқдоми саривақтӣ буда, ҷиҳати муаррифии дастоварду пешравиҳои ин факултет нақши муҳим хоҳад дошт.
Ҳамчунин номбурда илова намуд, ки  сомона имконият медиҳад тамоми кормандон ва шахсоне, ки мехоҳанд дар бораи факултет маълумот пайдо кунанд ва ё ҳамкорӣ ба роҳ монанд, аз дилхоҳ нуқтаи сайёра бо факултети журналистика ошноӣ пайдо намуда,  маълумоти заруриро барои худ пайдо менамоянд.