Суҳбати телефонии Эмомалӣ Раҳмон бо Нурсултон Назарбоев

Душанбе, 26.05.2016 /АМИТ “Ховар”/. Имрӯз Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти Ҷумҳурии Казоқистон Нурсултон Назарбоев гуфтугӯи телефонӣ анҷом дод.

Суҳбати телефонӣ бо ташаббуси ҷониби Қазоқистон сурат гирифта, зимни он роҳбари Ҷумҳурии Казоқистон Президенти Ҷумҳурии Тоҷикистонро бо баргузории раъйпурсии умумихалқӣ оид ба ворид намудани тағйиру иловаҳо ба Конститутсияи (Сарқонуни) Ҷумҳурии Тоҷикистон табрик намуд ва хоҳони рушду шукуфоии минбаъдаи Тоҷикистон гардид.

Ҳамчунин сарони ду кишвари дӯст оид ба масъалаҳои амнияту суботи минтақавӣ табодули афкор карда, масоили вобаста ба ҳамкориҳои дуҷониба ва бисёрҷонибаро мавриди баррасӣ қарор доданд.