Таъйин гардидани муовини раиси ПҲ ва Ваколатдор оид ба ҳуқуқи кӯдак
Душанбе, 13.05.2016/АМИТ «Ховар»/. Ду пешниҳоди Президенти кишварро дар бораи таъйин намудани Азимӣ Зафар Исмоил ба вазифаи муовини раиси Палатаи ҳисоби Ҷумҳурии Тоҷикистон ва додани ризоият барои муовини Ваколатдор оид ба ҳуқуқи инсон дар Ҷумҳурии Тоҷикистон-Ваколатдор оид ба ҳуқуқи кӯдак дар Ҷумҳурии Тоҷикистон таъйин намудани Раҷабмоҳ Бадридинова 13 май вакилони палатаи поёнии Парлумони мамлакат ҷонибдорӣ намуданд.
Дар ҷаласаи навбатии иҷлосияи дуюми Маҷлиси намояндагон ҳамзамон ворид намудани илова ба Қонуни Ҷумҳурии Тоҷикистон «Дар бораи маориф» баррасӣ ва қабул карда шуд. Бозоралӣ Одиназода -муовини вазири маорифи кишвар зимни тавзеҳи масъалаи мазкур гуфт, ки ворид намудани илова ба Қонуни Ҷумҳурии Тоҷикистон «Дар бораи маориф» бо мақсади амалӣ намудани банди 5 Фармони Президенти Ҷумҳурии Тоҷикистон аз 10 феврали соли 2014, «Дар бораи таъсиси Маркази миллии тестии назди Президенти Ҷумҳурии Тоҷикистон» ва мутобиқ гардонидани санадҳои меъёрии ҳуқуқии соҳаи маориф ба низоми имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон таҳия карда шудааст.
Ҳамзамон дар ҷаласа ба лоиҳаи Қонуни Ҷумҳурии Тоҷикистон «Дар бораи танзими давлатии ҳосилхезгардонии заминҳои таъйиноти кишоварзӣ» тағйиру иловаҳо ворид карда шуд. Изатулло Сатторӣ -вазири кишоварзии кишвар ҳангоми шарҳи тағйиру иловаҳо афзуд, ки лоиҳаи мазкур бо мақсади тақвияти заминаи ҳуқуқии танзими давлатии ҳосилхезгардонии заминҳои таъйиноти кишоварзӣ бо назардошти мутобиқгардонии қонуни амалкунанда ба талаботи қонунгузории кишвар ва гузаронидани корҳои ҳосилхезгардонӣ бо риояи принсипҳои ҳифзи муҳити зист пешниҳод гардидааст.
Мавриди зикр аст, ки ворид намудани иловаҳо ба қонуни мазкур фарогири масъалаҳои ҷорӣ намудани низоми агроэкологӣ, технологияҳои экологию биологии парвариши растаниҳо, таҳкими ҷараёни гузаронидани таҳқиқоти илмӣ ва уҳдадориҳои истифодабарандагони замин дар ҳосилхезгардонии заминҳои таъйиноти кишоварзӣ мебошад.
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ багузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
Дар Хуҷанд доир ба масъалаҳои таъмини ҳифзи сирри давлатӣ ва ҳифзи техникии иттилоот конференсияи минтақавӣ баргузор гардид
