«Як ҳафтаи ҳаёти кӯдакон»- озмун бахшида ба Рӯзи байналмилалии кӯдакон

Қурғонтеппа, 19.05.2016 /АМИТ Ховар/.  Мақомоти иҷроияи ҳокимияти давлатии  вилояти   Хатлон  тасмим гирифтааст, ки бо мақсади ба  ҳаёти солим ҷалб намудани  кӯдакон  ва  дарёфти истеъдодҳои наврас бахшида  ба  Рӯзи байналхалқии  муҳофизати кӯдакон —   1 июн дар  байни хонандагони муассисаҳои  таҳсилоти умумӣ  ва  тарбиятгирандагони  муассисаҳои  томактабии  вилоят      аз 24 то 31  майи соли 2016  бо номи «Як  ҳафтаи  ҳаёти кӯдакон» озмунҳои  «Рақси беҳтарин»,  «Сарояндаи беҳтарин»,  «Рассоми  беҳтарин»,  «Дастони  моҳир»-родоир кунад.
Тавре  аз шуъбаи итилоотӣ-таҳлилии  мақомоти иҷроияи  ҳокимияти давлатии вилояти  Хатлон иттилоъ доданд,  мақсад  аз баргузории  озмунҳо бедор намудани  ҳисси ватандӯстию  ифтихорӣ миллӣ, эҳтироми  волоияти қонун,  пешгирӣ намудани амалҳои  номатлуб,  аз қабили ҷиноятсодиркунӣ дар  байни ноболиғон,  дастгирии кӯдакони имконияташон  маҳдуд  ва  ташвиқу  тарғиби тарзи ҳаёти  солим мебошад.
Ба  ҳама  ғолибони озмунҳо  мукофотҳои  хотиравӣ  дода  мешавад.