Зимни амалиёти муштарак қӯшунҳои сарҳадӣ бо Раёсати АНМН 18 кило маводи нашъадор мусодира намуданд

Душанбе, 16. 05.16. /АМИТ «Ховар»/.Хизматчиёни ҳарбии қӯшунҳои сарҳадии КДАМ Ҷумҳурии Тоҷикистон бо кормандони Раёсати Агентии назорати маводи нашаъовари назди Президенти ҶТ дар ноҳияи Дарвоз амалиёти махсуси муштарак оид ба пешгирии интиқоли маводҳои мухаддири нашъаовар ба қаламрави Ҷумҳурии Точикистон гузарониданд.
Тавре ки ба АМИТ «Ховар» аз маркази матбуоти қӯшунҳои сарҳадии КДАМ Ҷумҳурии Тоҷикистон хабар доданд, дар натиҷаи гузаронидани чорабиниҳои фаврӣ 14 май дар яке аз минтақаҳои зертобеи отряди сарҳадии «Дарвоз» дар шоҳроҳи Кӯлоб-Дарвоз аз ҷониби хизматчиёни ҳарбии қӯшунҳои сарҳадӣ бо кормандони Раёсати агентии назорати маводи нашаъовари назди Президенти ҶТ, шаҳрванди ҶИА Абдулбоқӣ валади Ҳоҷӣ, соли таваллудаш 1993, дастгир шуд, ки бо худ тақрибан 18 кг маводи нашъовар дошт.
Аз ӯ 9 кг маводи мухаддири афюн ва 9 кг маводи мухаддири ҳашиш дарёфт ва мусодира гардид.
Дар айни замон оид ба ҳодисаи мазкур тафтишот идома дорад.