204 оилаи муҳоҷири дохилӣ бо қитъаи замини наздиҳавлигӣ таъмин карда шуданд

Июнь 1, 2016 15:47

Душанбе, 01.06.2016. /АМИТ «Ховар»/. То 1 июни соли равон дар ҷумҳурӣ 204 оилаи муҳоҷирони дохилӣ бо қитъаи замини наздиҳавлигӣ барои сохтмони манзили истиқоматӣ таъмин карда шуданд. Муҳоҷирон дар мавзеъҳои нави зист ба қайд гирифта шудаанд, ки ин 40 фоизи нақшаи солонаро ташкил медиҳад.
Бино ба гуфтаи сардори Раёсати муҳоҷирати дохилӣ ва экологии Хадамоти муҳоҷират Нурулло Назаров, дар вилоятҳои Хатлон 101 оила, Суғд 23 оила ва НТҶ 80 оила бо қитъаи замин таъмин гардида,   сохтмони манзили истиқоматиашон аллакай  оғоз гардидааст.
Тибқи қарори Ҳукумати Ҷумҳурии Тоҷикистон дар ҷумҳурӣ бояд  505 оила ихтиёрӣ кўчонида шаванд, аз ҷумла дар вилояти Хатлон  218 оила, вилояти  Суғд 160 оила ва НТҶ  127  оила.
Бояд гуфт, ки дар ин муддат ба 175 оилаи муҳоҷирони дохилӣ 525 ҳазор сомонӣ қарзи имтиёзнок (ба ҳар сардори оила 3000 ҳазор сомонӣ) тавассути сохторҳои Бонки давлатии амонатгузории Ҷумҳурии Тоҷикистон «Амонатбонк» дар  шаҳру ноҳияҳои қабулкунандаи муҳоҷирон барои пардохт интиқол дода шуд.
Дар айни замон корҳои омодагӣ ҷиҳати кўчонидан ва ҷобаҷо намудани муҳоҷирони боқимондаи дохилӣ идома дорад.
Ҷиҳати таъмин намудани муҳоҷирон бо оби нўшокӣ ва дигар ифрасохторҳои зарурӣ Хадамоти муҳоҷират ҳамкориро бо вазорату идораҳои дахлдор зич ба роҳ мондааст. Ҷиҳати иҷрои қарори Ҳукумати Ҷумҳурии Тоҷикистон «Дар бораи Нақшаи миёнамуҳлати муташаккилона кўчонидани муҳоҷирони экологӣ дар Ҷумҳурии Тоҷикистон барои солҳои 2014-2016» соли равон кўчонидани  400 хоҷагӣ ба нақша гирифта шудааст, ки ҷиҳати дар минтақаҳои бехавф бо қитъаи замини наздиҳавлигӣ таъмин намудан корҳои муайян ба итмом расонида шуданд,- иброз дошт Нурулло Назаров.
То имрўз аз ҷониби мақомоти иҷроияи ҳокимияти давлатии ВМКБ, вилоятҳо ва шаҳру ноҳияҳои ҷумҳурӣ зиёда аз 309 хоҷагии дар мавзеъҳои хавфнок истиқоматдошта бо қитъаи замини наздиҳавлигӣ таъмин гардиданд, ки ин 77 фоизи нақшаи солонаро ташкил медиҳад.
Ҷиҳати оғоз намудани корҳои сохтмонӣ дар мавзеъҳои бехавф аз ҷониби Хадамоти муҳоҷират муҳоҷирон бо қарзи имтиёзнок ва кумаки яквақтаинаи моддӣ таъмин гардиданд.
Дар айни замон муҳоҷирон дар маҳалҳои нави ҷудогардида ба кори сохтмони манзили истиқоматӣ оғоз намуданд.
Таъмин намудани муҳоҷирони ба нақша гирифташуда бо қитъаи замини наздиҳавлигӣ барои сохтмони манзили истиқоматӣ, қарзи имтиёзнок ва кумаки яквақтаинаи моддӣ ҳоло идома дорад.

Июнь 1, 2016 15:47

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт