Ҳайати Кнессетаи Исроил ба Душанбе омад
Душанбе, 02.06.2016/АМИТ «Ховар»/.Ҳайати парлумонии Исроил таҳти роҳбарии хонум Шаррен Ҳаскел, ки раисии гурӯҳи дӯстӣ ва ҳамкории байнипарлумонии Тоҷикистон ва Исроилро ба уҳда дорад, ба Тоҷикистон омад.
Назар ба иттилои Олимҷон Салимзода-раиси Кумитаи Маҷлиси намояндагон оид ба ҳамкории байналмилалӣ, иттиҳодияҳои ҷамъиятӣ ва иттилоот, ҳадафи сафари ҳайати парлумонии Исроил ба Тоҷикистон тавсеаи ҳамкории байнипарлумонӣ ва иқтисодию иҷтимоӣ маҳсуб мешавад.
Интизор меравад, ки ҳайати Кнессетаи Исроил бо Шукурҷон Зуҳуров-раиси Маҷлиси намояндагон ва гурӯҳи дӯстии ҳамкории байнипарлумонии Тоҷикистону Исроил мулоқот намуда, масъалаҳои таҳкими ҳамкории байнипарлумониро баррасӣ намоянд.
Ҳамзамон ҳайати Кнессетаи Исроил аз бархе вазорату идораҳои Тоҷикистон боздид ва бо роҳбарону масъулини онҳо дидору мулоқот намуда, масъалаи ба роҳ мондан ва тавсеаи ҳамкорӣ дар бахши кишоварзӣ, тандурустӣ, меҳнат, ҳифзи иҷтимоиро матраҳ менамоянд.
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
