АНМН дар доираи амалиёти «Кӯкнор-2016» зиёда аз 40 ҳазор бех банги худрӯйро нобуд сохт
Душанбе, 14.06.16. /АМИТ «Ховар»/. Кормандони Агентии назорати маводи нашъаовари назди Президенти ҶТ дар доираи амалиёти «Кӯкнор-2016» зиёда аз 40 ҳазор бех банги худрӯйро нобуд сохтанд.
Ба мақсади амалӣ намудани «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020» ҳамасола дар қаламрави Ҷумҳурии Тоҷикистон дар ду марҳила аз 20 май то 31 август ва аз 1 сентябр то 30 ноябр амалиёти «Кӯкнор» гузаронида мешавад.
Барои амалӣ намудан, назорат ва ҳамоҳанг сохтани фаъолияти мақомоти ҳифзи ҳуқуқ, сохторҳои қудратӣ ва ҳокимияти маҳаллӣ дар шаҳри Душанбе, ВМКБ, вилоятҳо, шаҳру ноҳияҳо ситодҳои корӣ ташкил гардидаанд.
Тавре ки ба АМИТ «Ховар» аз маркази матбуоти АНМН хабар доданд. дар марҳилаи аз 20 май то 14 июни соли равон зимни гузаронидани марҳилаи якуми амалиёти ҷумҳуриявии «Кӯкнор-2016» оид ба ошкор ва нобуд сохтани майдонҳои бангдонаи худрӯй кормандони раёсати Агентии назорати маводи нашъаовари назди Президенти ҶТ дар вилояти Суғд дар заминҳои нокорами хоҷагиҳои деҳқонии шаҳрҳои Конибодом, Исфара, ноҳияҳои Бобоҷон Ғафуров ва Мастчоҳ ба миқдори 40 ҳазору 408 бех растаниҳои худрӯйи бангдонаро ошкор намуданд.
Мутобиқи хулосаи озмоишгоҳи ташхиси судӣ ниҳолҳои ошкоршуда растании каннабис буда, дар таркиби онҳо маводи нашъаовари «тетрогидроканнабинол» мавҷуд мебошад.
Дар ҳузури комиссияи махсус ниҳолҳои ошкоршуда решакан ва сӯзонида шуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






