Ҳавошиносон эҳтимоли паст шудани гармии ҳаворо пешгӯӣ менамоянд

Душанбе, 14.06.16. /АМИТ «Ховар»/. Рӯзҳои наздик ҳавошиносон дар миқёси ҷумҳурӣ эҳтимоли паст шудани гармии ҳаворо пешгӯӣ менамоянд.
Агентии обуҳавошиносии Тоҷикистон ба иттилои аҳолии ҷумҳурӣ мерасонад, ки  15-16 июн ҳаво дар миқёси ҷумҳурӣ ноустувор гардида, боришоти зиёди борон,  жола,  ба амал омадани  раъду барқ, дар доманакӯҳҳо омадани сел, баландшавии сатҳи оби дарёҳо  ва фаромадани ярч дар назар дошта шудааст.
Бинобар ин, аз шаҳрвандон ва меҳмонони ҷумҳурӣ хоҳиш карда мешавад, ки дар ин давра аз рўи имконият аз сафар кардан тавассути мавзеъҳои осебпазир ва минтақаҳои хавфнок худдорӣ намоянд.