Аз пардохти андоз ва боҷи гумрукӣ озод намудани воридоти гулҳои ороишӣ

Июнь 3, 2016 16:14

Душанбе, 03.06.2016/АМИТ «Ховар»/. «Дар соли сипаригардидаи 2015  ба ҷумҳурӣ 3 ҳазору 800  бех дарахтони  ороишӣ ба маблағи 30 миллион сомонӣ ворид карда шудаанд»,-  гуфт дар ҷаласаи Парлумони кишвар Соҳибҷон Зиёдуллоев, муовини директори Агентии захираҳои моддии давлатии  назди Ҳукумати ҷумҳурӣ.
Мавсуф афзуд,  ки алҳол  дар ҳамкорӣ бо шарикон дар пойтахт дар се гектар замин тухми гулҳои ороишӣ  кошта шуда, ҳосили он ба фурӯш гузошта шудааст. Дар оянда замини кишти гулҳои  ороишӣ дар дигар минтақаҳои кишвар, ки дорои иқлими мусоиди парвариши гулу дарахтони ороишианд,   ба роҳ монда шуда, воридоти он аз хориҷа, бахусус кишварҳои аврупоӣ коҳиш дода мешавад.
Ин дар ҳолест, ки вакилони палатаи поёнии Парлумони мамлакат ба сархати  дуюми Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2016» тағйиру иловаҳо ворид намуданд. Тибқи ин тағйирот дарахтон  ва гулу буттаҳои  ороишӣ, ки аз хориҷи кишвар аз ҷониби Агентии захираҳои  моддии  давлатии назди Ҳукумати  Ҷумҳурии Тоҷикистон ворид карда мешаванд,  аз пардохти  андоз аз арзиши иловашуда ва боҷи гумрукӣ озод мегарданд.  Зикр шуд, ки пешниҳоди имтиёз ба Агентии захираҳои моддии давлатии назди Ҳукумати ҷумҳурӣ  дар мавриди  воридоти дарахтону гулҳои ороишӣ хусусияти тиҷоратӣ надошта, бо мақсади сабзу хуррам ва зебо гардонидани кӯчаю хиёбонҳои  кишварамон, хусусан пойтахт ва дар сатҳи баланд гузаронидани ҷашну маъракаҳои давлатӣ, ба мисли  ҷашни 25-солагии Истиқлолияти давлатии Ҷумҳурии Тоҷикистон, ки соли равон таҷлил мегардад,  андешида шудааст.

Июнь 3, 2016 16:14

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд