Безарар гардонидани як нафар қочоқчӣ дар ноҳияи Ш. Шоҳин
Душанбе, 25.06.16. /АМИТ «Ховар»/. Кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон дар якҷоягӣ бо хизматчиёни ҳарбии Қӯшунҳои сарҳадии КДАМ ҶТ дар ҳудуди деҳаи Деҳқозӣ ҷамоати деҳоти Саричашмаи ноҳияи Ш. Шоҳин кӯшиши қочоқи маводи нашъаоварро дар ҳаҷми махсусан калон пешгирӣ намуданд.
Тавре ки ба АМИТ «Ховар» аз маркази матбуоти агентии мазкур хабар доданд, 4 нафар қочоқчиёни мусаллаҳи афғон сарҳади давлатиро ғайриқонунунӣ убур намуда, ба қаламрави Тоҷикистон ворид гардиданд. Ҳангоми аз тарафи кормандони Раёсати агентӣ ва сарҳадбонон додани фармон оид ба таслим шудан, қочоқчиён муқобилияти мусаллаҳ нишон доданд. Дар натиҷа миёни қочоқчиён ва гурӯҳи оперативии таъсисдодашуда тирпарронӣ ба амал омад. Дар рафти тирпарронӣ гурӯҳи қочоқчиён аз торикии шаб истифода бурда, ба қаламрави Афғонистон фирор намуданд.
Ба иттилои манбаъ, ҳангоми азназаргузаронии ҷои ҳодиса ҷасади марди 25-30 сола бо аломатҳои захм аз тири оташфишон дарёфт карда шуд. Инчунин се адад борхалта бо маводи хамирмонанд ошкор гардид.
Мутобиқи хулосаи экспертизаи судӣ маводи боздоштшуда афюн бо вазни 23 килограмм 140 грамм ва гашиш бо вазни 945 грамм мебошад. Вазни умумии маводи боздоштшуда 24 кг 85 граммро ташкил менамояд.
Нисбати ҳодисаи мазкур парвандаи ҷиноӣ оғоз гардида, тафтишот идома дорад.
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
