Боздиди вакилони Парлумон аз Бадахшон

Июнь 21, 2016 14:41

Душанбе, 21.06.2016 /АМИТ «Ховар»/. Дар арафаи таҷлили Рӯзи Ваҳдати миллӣ ҳайати вакилони палатаи поёнии Парлумони ҷумҳурӣ таҳти роҳбарии Хайриниcсо Юсуфӣ- муовини раиси Маҷлиси намояндагон ба шаҳри Хоруғ омада, бо ҷараёни  корҳои сохтмонӣ дар шаҳраки донишҷӯёни Донишгоҳи Осиёи Марказӣ /ДОМ/ шинос гардид.
Ҳайати парлумонии Тоҷикистон бо ҳамроҳии роҳбари Бунёди Оғохон оид ба рушд (AKDN) дар Тоҷикистон  Акбар Алӣ Песнанӣ ҳамзамон аз мактаби маълумоти касбӣ ва давомдори Донишгоҳи Осиёи Марказӣ, Литсейи Оғохон ва Маркази ташхисии шаҳри Хоруғ боздид намуданд.
Дар ҷамъомаде, ки дар шаҳраки донишҷӯёни  Донишгоҳи  Осиёи Марказии шаҳри Хоруғ доир шуд, Хайриниссо Юсуфӣ зикр кард, ки:«Ҳукумати Тоҷикистон Ташкилоти Оғохон оид ба рушдро (AKDN) ҳамчун шарики арзишманд ва боэътимод медонад. Мо таассуроти хеле мусбат ва хотирмон аз Донишгоҳи Осиёи Марказӣ (ДОМ) гирифта, умед дорем, ки он дар оянда ба замина барои муҳокима, таҳлил, таҳқиқот ва мубодилаи таҷрибаҳои беҳтарин табдил мегардад».
Инчунин мудири  кулли ДОМ доктор Богдан Кравченко ва мудири  иҷроияи донишгоҳ Музаффар Ҷорубов ба ҳайати Парлумон аз раванди қабули довталабону мутахассисон ва курсҳои пешниҳодшуда аз ҷониби донишгоҳ иттилоъ доданд. Зикр шуд, ки ДОМ  ба хотири пешниҳоди таҳсилоти олии стандарти байналмилалӣ дар Осиёи Марказӣ таъсис дода шудааст.
Бояд тазаккур дод, ки сафари ҳайати вакилони Парлумон ба Бадахшон  натиҷаи мулоқоти Шукурҷон Зуҳуров -раиси Маҷлиси намояндагон  бо Акбар Алӣ Песнанӣ, раиси Бунёди Оғохон мебошад, ки моҳи майи соли равон дар Душанбе доир гардида буд.

Июнь 21, 2016 14:41

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад