Дар Душанбе мусобиқаи шоҳмотбозӣ байни шатранҷбозони дорои имконияти маҳдуд баргузор шуд
Душанбе, 02.06.2016 /АМИТ «Ховар»/. Бори аввал дар шаҳри Душанбе мусобиқаи шоҳмот байни шатранҷбозони дорои имконияти маҳдуд баргузор шуд. Дар толори Китобхонаи миллии Тоҷикистон дар шаҳри Душанбе аъзои маҳфили шоҳмотбозони муассисаи мазкур, маркази марбутаи шаҳри Душанбе, намояндагони Федератсияи шоҳмот ва шахсони алоҳида гирд омада, бо ҳам дар ин намуди варзиши зеҳнию фикрӣ қувва озмуданд.
Мусобиқа бо ташаббуси ташкилоти ҷамъиятии «Пешрафт», Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Федератсияи шоҳмот роҳандозӣ гардид.
Яке аз иштирокчиёни фаъоли ин мусобиқа Мубориз Одинаев иброз дошт, ки ҳидояти Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон майлу рағбати маро ба шатранҷбозӣ бештар намуд, чаро ки Сарвари давлат бо эътимоди комил ба ман рӯ оварду гуфт: «Ба варзиш машғул шав! Бовар дорам, ки ҳатман муваффақ мешавӣ!» Ҳадаф аз баргузории чорабиниро масъулин ҷалби ҳарчи бештари намояндагони қишри мазкури ҷомеа ба варзишу тарбияи ҷисмонӣ, ба вижа шоҳмот ва тарғибу ташвиқи тарзи ҳаёти солим маънидод намуданд.
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
НИШАСТИ МАТБУОТӢ. Дар ноҳияи Рӯдакӣ дар шаш моҳ ба маблағи беш аз 487 миллион сомонӣ маҳсулоти саноатӣ истеҳсол карда шуд
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Дар Тоҷикистон ҷамъоварии ҳосили гандум идома дорад
