Дар Кӯлоб лагерҳои тобистонаи мактаббачагон таъсис дода шуданд
Кӯлоб, 23. 06. 2016. /АМИТ «Ховар»/. Дар муассисаҳои таълимии шаҳру ноҳияи Кӯлоб бо дастгирии шуъбаи маорифи мақомоти иҷроияи ҳокимияти давлатӣ ва соҳибкорони маҳаллӣ лагерҳои истироҳатии фароғатӣ ва таълими беҳдоштӣ ташкил карда шуда, дар даври аввал хонандагони синфҳои ибтидоӣ дар онҳо ҷалб карда мешаванд. Дар муассисаи таҳсилоти миёнаи умумии рақами 29 имтиҳони давлатии хатмкунандагон идома дошта, ҳамзамон 100 нафар мактаббачагон ба лагер фаро гирифта шудаанд.
Тавре ки Шарофиддин Сайдалиев, ҷонишини директори МТМУ №29 иброз дошт, роҳбарияти муассисаи таҳсилоти миёнаи умумии рақами 39 низ дар ҳамкорӣ бо соҳибкорон басти аввали лагери фароғатӣ-истироҳатиро барои муҳассилини муассисаи мазкур оғоз карданд. Дар ин лагер мактаббачагон дар баробари истироҳату фароғат, ба бозиҳои варзишӣ ва таълими иловагӣ фаро гирифта мешаванд. Соҳибкорони маҳаллӣ маводи хӯрокии истироҳаткунандагонро ба уҳда гирифта, ҳамарӯза барои мактаббачагон анвои гуногуни хӯроворӣ дастрас менамоянд.
Шуъбаи маорифи шаҳри Кӯлоб дар ихтиёри худ лагери беруназшаҳрӣ дорад, ки ҳамасола дар таътили тобистона он дар се баст фаъолият менамояд. Чунин лагерҳои истироҳатӣ дар таътили тобистонаи мактаббачагон қариб дар ҳамаи муассисаҳои таълимӣ ташкил карда мешаванд, ки чоряки мактаббачагони шаҳру ноҳияи Кӯлоб дар онҳо истироҳат мекунанд.
Гурӯҳи корӣ бо истифодаи самараноки заминҳои наздиҳавлигӣ дар Деҳободи ноҳияи Шаҳринав шинос шуд
Ҳизби Халқии Демократии Тоҷикистон дар 7 ҳазору 336 сохтори давлатӣ ва коргоҳу корхонаҳо ташкилоти ибтидоӣ дорад
Аз ҷониби Бонки миллии Тоҷикистон лоиҳаи «Низоми ягонаи суғуртаи электронӣ» таҳия карда мешавад
Имрӯз дар Тоҷикистон баландшавии ҳарорати ҳаво дар назар аст
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
