Дар ноҳияи Шоҳмансур мусобиқаи таэквон-до ВТФ доир шуд

Душанбе, 01.06.2016 /АМИТ «Ховар»/. Бахши ҷавонон, варзиш ва сайёҳии ноҳияи Шоҳмансури шаҳри Душанбе мусобиқаи таэквон-до ВТФ-ро  бо шиори «Ҷавонон пайрави пешвои миллат ва муҳофизи дастовардҳои 25 соли Истиқлолияти давлатии Ҷумҳурии Тоҷикистон» баргузор намуд, ки ба 25-умин солгарди истиқлолияти давлатии Ҷумҳурии Тоҷикистон бахшида шуда буд.
Дар мусобиқа наздики 50 нафар  варзишгарони наврас, ҷавонон, ҳаводорону алоқамандони таэквондо ВТФ иштирок доштанд  ва  барои касби ҷойҳои ифтихорӣ байни ҳам рақобат намуданд.
Ҳадафи аслии баргузории мусобиқаро созмондиҳандагони он мусоидат ба рушди малака ва маҳорати варзишгарони ҷавон, пешгирӣ аз гароиши онҳо ба ҳаракат ва созмонҳои номатлуб унвон карданд.
Дар поёни мусобиқа ба ғолибон медалу ифтихорнома ва туҳфаҳои бахши ҷавонон, варзиш ва сайёҳии ноҳияи Шоҳмансур супорида шуданд.