Дар Суғд бахшида ба 25- солагии Истиқлолият 52 чорабинии варзишӣ доир мегардад
Хуҷанд, 03.06.2016 / АМИТ «Ховар» /. Дар вилояти Суғд барои татбиқи «Барномаи давлатии солимии ҷомеа» ва ҳамзамон рушди варзиш ва ҷалби ҷавонону наврасон ба намудҳои гуногуни варзиш аз ҷониби Раёсати кор бо ҷавонон, варзиш ва сайёҳии вилоят дар ин самт корҳои назаррас ба анҷом расонида мешаванд.
Чуноне ки ба АМИТ «Ховар» Баҳриддин Қодиров, сармутахассиси раёсати мазкур иттилоъ дод, танҳо дар панҷ моҳи соли 2016 аз тарафи бахши варзиш ва сайёҳии раёсат мутобиқ ба нақшаи тақвимии чорабиниҳои оммавӣ, солимгардонӣ, варзишӣ ва иштироки варзишгарон дар мусобиқаҳои ҷумҳуриявӣ ва байналмилалӣ, дар умум 19 чемпионат ва мусобиқаҳои мухталифи сатҳи вилоятӣ аз рӯи намудҳои гуногун гузаронида шуданд. Аз ин миқдор дар самти варзиши касбӣ — 24 ва самти варзиши оммавӣ — 3 мусобиқот доир карда шуданд.
Инчунин варзишгарони дастаи яккачини вилоят аз рӯи намудҳои гуногуни варзишӣ дар 13 мусобиқаи сатҳашон гуногуни ҷумҳуриявӣ, ва дар ҳайати тими Тоҷикистон дар 15 мусобиқаи сатҳи мухталифи ҷаҳонӣ ширкат варзида, шарафи варзиши тоҷикро дар арсаи ҷаҳонӣ баланд бардоштанд.
Ҳамзамон вобаста ба таҷлили ҷашни 25 солагии Истиқлолияти давлатии Ҷумҳурии Тоҷикистон дар умум, аз оғози соли равон дар миқёси вилоят дар самти бахши варзиш 52 мусобиқаи гуногуни варзишӣ, бахши ҷавонон 35 ва самти сайёҳӣ 13 чорабиниҳои мухталифи оммавӣ доир гардиданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






