Душманӣ орад ба мардум рӯзи сахт
Хоруғ 23.06.2016 /АМИТ «Ховар»/. Дар Донишкадаи такмили ихтисос ва бозомӯзии кормандони соҳаи маорифи ВМКБ бахшида ба ҷашни Ваҳдати миллӣ конфронси илмӣ таҳти унвони «Мирзо Турсунзода- мунодии сулҳу ваҳдат» баргузор гардид. Дар конфронс роҳбарону омӯзгорони мактабҳо ва мутахассисони соҳаи маорифи вилоят ширкат варзиданд.
Директори маркази вилоятии муассисаи давлатии таҳсилоти иловагӣ Шоҳзода Саидиброҳимов нақши осори Шоири халқии Тоҷикистон Мирзо Турсунзодаро дар равобити дӯстонаи мардумони Машриқзамин басо арҷманд унвон карда, изҳор намуд, ки ҳар як сатру ҳар мисраи ин шоири шаҳири кишвар одамони кулли сайёраро ба иттиҳоду ҳамраъйӣ, ваҳдату ҳамдигарфаҳмӣ даъват мекард. Шоир дар ашъори худ таъкид медошт, ки «Одамон аз дӯстӣ ёбанд бахт, Душманӣ орад ба мардум рӯзи сахт».
Шояд насли он замон ба моҳияти ин мисраъҳо чандон сарфаҳм намерафт, аммо ин шоири рӯзгордида, ки даврони кӯдакии худро бо сахтию ранҷи бешумор паси сар кардааст, аз дигарон дида, қадру қимати фазои амонию осудагиро бештар эҳсос мекард. Номбурда аз омӯзгорони фанҳои мухталиф хоҳиш намуд, ки ҳангоми баргузории дарсҳои асосӣ ва иловагӣ аз ашъори ин шоири шинохтаи Машриқзамин пайваста истифода баранд.
Ширкаткунандагони конфронс оид ба паҳлуҳои дигари шеърҳои дар васфи ваҳдату дӯстӣ эҷоднамудаи шоир мубодилаи афкор намуданд.
Пагоҳ дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
