Фаъолнокии милитсияи Ашт дар амалиёти «Кӯкнор-2016»
Душанбе, 3.06.2016 /АМИТ «Ховар»/. Ҳамасола бо ташаббуси Вазорати корҳои дохилии Ҷумҳурии Тоҷикистон дар қаламрави мамлакат амалиёти «Кӯкнор» гузаронида мешавад ва ҳоло он дар қаламрави кишвар идома дорад. Кормандони мақомоти корҳои дохилӣ дар доираи амалиёти «Кӯкнор-2016» дар баробари мусодираи воситаҳои нашъадор ҳамзамон бо ҷалби дружиначиёни ихтиёрӣ, кормандони ғайриштатии милитсия ва донишҷӯёну хонадагони мактабҳои миёна мавзеъҳои паҳншавии бангдонаҳои худрӯйро тоза менамоянд.
Кормандони ШВКД дар ноҳияи Ашт баҳри таъмин намудани талаботи амалиёти «Кӯкнор-2016» бо истифода аз қувваҳои ёрирасони худ, дружиначиёни ихтиёрӣ, хонандагони мактабҳои таҳсилоти миёнаи умумӣ ва аҳли ҷамоат ниҳолҳои худрӯйи бангдонаро дар ҳудуди ҷамоатҳо ва шаҳраку деҳоти ноҳияи Ашт ҷамъоварӣ намуда, барои нобуд кардани растаниҳои дорои маводи нашъадор саҳм гузоштаанд.
Бино ба иттилои муовини сардори ШВКД дар ноҳияи Ашт, майори милитсия Абдумаҷид Ҷалилов то ба имрӯз, 3 июн кормандони милитсияи ноҳия якчанд ҳолати нашъунамои бангдонаҳои худруйро ошкор намуда, 77 ҳазор бех бангдонаи худрӯйро, ки вазни умумиашон 505 кг мебошад, мусодира намудаанд.
Рӯзҳои охир фаъолияти кормандони мақомоти корҳои дохилии ноҳияи Ашт дар ин самт боз ҳам ҷоннок карда шуда, мавзеъҳое, ки дар он бангдонаи худрӯй мерӯяд, тоза карда мешаванд.
Тадбирҳои амалишуда барои пешгирии паҳншавии растаниҳои худрӯйи нашъадор роҳандозӣ гардида, то охирҳои моҳи ноябр давом хоҳанд кард.
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
Имрӯз дар филиалҳои Донишгоҳи давлатии Москва, Донишгоҳи миллии таҳқиқотии технологӣ «МИСИС» ва Мақомоти иҷроияи ҳокимияти давлатии шаҳри Ҳисор нишасти матбуотӣ доир мегардад
НИШАСТИ МАТБУОТӢ. Аз ноҳияи Тоҷикобод 20 ҳазору 600 тонна маҳсулоти кишоварзӣ содирот гардид
НИШАСТИ МАТБУОТӢ. Дар Донишкадаи тиббии иҷтимоии Тоҷикистон Маркази таҳсилоти баъдидипломӣ таъсис дода шуд
