Фестивал-озмуни «Тараннуми Истиқлол» ҷамъбаст гардид

Июнь 3, 2016 15:36

Душанбе, 3.06.2016 /АМИТ Ховар/. Дар доираи омодагиҳо ба ҷашни фархундаи  25-солагии Истиқлолияти давлатии Ҷумҳурии Тоҷикистон ва бо мақсади фароҳам овардани  шароити мусоид барои вусъати неруи эҷодӣ, дарёфти чеҳраҳои нав — овозхонҳо, навозандагон, раққосон, ташвиқу тарғиби ҳунару истеъдодҳои асил ва мусоидат ба ривоҷу равнақи истеъдодҳои ҷавон дар ҷумҳурӣ даври ниҳоии Фестивал-озмуни ҷумҳуриявии «Тараннуми Истиқлол» баргузор шуд.
Тавре ки аз Вазорати фарҳанги Ҷумҳурии Тоҷикистон хабар доданд, дар барномаи консертии ниҳоӣ, ки 1 июн дар Филармонияи давлатии Тоҷикистон ба номи А. Ҷӯраев баргузор шуд, аз гӯшаҳои мухталифи ҷумҳурӣ ҳаваскорон иштирок карданд.
Тибқи Низомномаи Фестивал-озмун ба ғолибон туҳфаҳои муносиб тақдим гардиданд.
Дар номгӯи «Коллективи беҳтарин» ҷои 1-ум ба гурӯҳи ҳунарпешагони Кохи фарҳанги шаҳри Ваҳдат, ҷои 2-юм ба гурӯҳи рақсии Кохи фарҳанги ноҳияи Лахш ва ҷои 3-юм  ба гурӯҳи мутрибони Кохи фарҳанги ноҳияи Дарвоз  сазовор дониста шуда, онҳо ба гирифтани Диплому мукофотҳои пулии Вазорати фарҳанг ба миқдори 4 ҳазор, 3 ҳазор  ва 2 ҳазор  сомонӣ сазовор гардиданд.
Дар номгӯи «Беҳтарин раққоса» Сумангул Ҳикматова аз ноҳияи Нуробод ва Мафтуна Оқилова аз ноҳияи Ҷ. Расулов ғолиб дониста шуда, сазовори диплому туҳфа ба миқдори 1000 сомонӣ гардиданд.
Дар номгӯи «Беҳтарин навозанда» Сабринаи Мирзо аз шаҳри Роғун ва Ҳурият Ҳасанова аз шаҳри Турсунзода ғолиб гардида, диплому туҳфа дар ҳаҷми 1000 сомониро сазовор гардиданд.

Июнь 3, 2016 15:36

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт