Иштироки Сарвазири Тоҷикистон дар ҷаласаи навбатии Шўрои сарони ҳукуматҳо-сарвазирони кишварҳои узви ИДМ
Душанбе, 7.06.2016 /АМИТ «Ховар»/. Имрўз Сарвазири мамлакат Қоҳир Расулзода дар шаҳри Бишкеки Ҷумҳурии Қирғизистон дар ҷаласаи навбатии Шўрои сарони ҳукуматҳо-сарвазирони кишварҳои узви Иттиҳоди Давлатҳои Мустақил иштирок кард.
Қабл аз оғози кори ҷаласаи навбатӣ Сарвазири мамлакат нахуст дар мулоқоти Президенти Ҷумҳурии Қирғизистон Алмазбек Атамбоев бо роҳбарони ҳайатҳои расмии кишварҳои узви ИДМ ширкат намуд.
Кори ҷаласаи навбатии Шўрои сарони ҳукуматҳо-сарвазирони кишварҳои узви Иттиҳоди Давлатҳои Мустақил дар қароргоҳи ҳукуматии «Ала-Арча» оғоз гардид ва дар он зиёда аз 20 масъалаи муҳими ҳамгироии байнидавлатӣ ва масъалаҳои марбут ба фаъолияти минбаъдаи молиявию ташкилии Иттиҳод мавриди баррасӣ қарор дода шуд.
Роҳбарони ҳайатҳо дар нишасти доираи маҳдуд ва бо иштироки аъзои ҳайат, аз ҷумла оид ба муҳимтарин масоили ҳамгироии иқтисодӣ, энергетикӣ, саноатӣ ва илмию техникӣ ва тақвияти муносибатҳо дар соҳаҳои маориф, ҳифзи иҷтимоии аҳолӣ ва тандурустӣ табодули афкор карда, доир ба ҷараёни татбиқи «Барномаи ҳамкории инноватсионии кишварҳои ИДМ дар давраи солҳои 2015-2020», баргузории баҳисобгирии навбатии аҳолии кишварҳои ИДМ дар соли 2020, Стратегияи «Саломатии аҳолии кишварҳои ИДМ», Консепсияи ҳамкории кишварҳои ИДМ дар мубориза алайҳи бемориҳои онкологӣ, «Барномаи кишварҳои ИДМ дар пешгирӣ ва табобати бемориҳои диабети қанд барои солҳои 2016-2020» ва дигар масъалаҳои марбут ба рўзномаи кории ҷаласаи навбатӣ қарорҳои дахлдор қабул намуданд.
Ҷараёни нишасти навбатии сарони ҳукуматҳо-сарвазирони кишварҳои узви Иттиҳоди Давлатҳои Мустақил дар нишасти матбуотӣ бо иштироки доираи васеи рўзноманигорон натиҷагирӣ карда шуд.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
