Камол ба маҳбас афтод ва Зеваршо 6 ҳазор сомонӣ ҷарима шуд
Хоруғ, 8.06.2016 /АМИТ «Ховар»/. Дар натиҷаи як амалиёти ҳадафмандона кормандони Раёсати Кумитаи давлатии амнияти миллии Ҷумҳурии Тоҷикистон дар Вилояти Мухтори Кӯҳистони Бадахшон дар ҳудуди деҳаи Бунии ҷамоати деҳоти Мирзоҷон Ширинҷонови ноҳияи Шуғнон, сокини ҳамин деҳа Мирзомамадов Камол Назармамадович ва шарики дигари ӯ Саъдоншоев Зеваршо Одинашоевичро ҳангоми доду гирифти маводи мухаддир бо шарикони афғони худ дар соҳили рӯдхонаи Панҷ дастгир намуданд. Ҳамагӣ ду сол қабл Камолро бо ҷурми хариду фурӯши маводи мухаддир ба муҳлати 2 сол аз озодӣ маҳрум карда буданд, аммо ӯ баъди аз маҳбас озод шудан боз даст ба кочоқи ин мавод зад. Вай борҳо ҳамроҳи Зеваршо маводи героинро аз Насрулло ном қочоқчии афғон тавассути дарёи Панҷ дастрас намуда, онро ба сокинони вилоят фурӯхта, бо ин роҳ на танҳо худ, балки дигар наврасону ҷавононро низ заҳролуд менамуд.
Нисбат ба Мирзомамадов Камол Назармамадович ва Саъдоншоев Зеваршо Одинашоевич аз ҷониби шуъбаи тафтишотии Раёсати Кумитаи давлатии амнияти миллии Ҷумҳурии Тоҷикистон дар ВМКБ парвандаҳои ҷиноятӣ оғоз ва баъди ба охир расидани тафтишоти пешакӣ ба суд ирсол карда шуданд. Дар натиҷа, Суди ноҳияи Шуғнони Вилояти Мухтори Кӯҳистони Бадахшон аъмоли ғайриқонунии судшавандаҳоро ҳамаҷониба омӯхта, тибқи талаботи моддаҳои 32, 289, 201-и Кодекси ҷиноятии Ҷумҳурии Тоҷикистон Мирзомамадов Камол Назармамадовичро ба муҳлати 8 солу 6 моҳ аз озодӣ маҳрум намуда, ба Саъдоншоев Зеваршо бо пардохт намудани ҷарима дар ҳаҷми 6 ҳазор сомонӣ ҷазо таъйин намуд.
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
