Комиссияи Аврупо ба зарардидагони обхезиҳо дар Тоҷикистон кумак мерасонад
Душанбе, 02.06.2016 /АМИТ «Ховар»/. Комиссияи Аврупо ҷиҳати расонидани кумаки башардӯстона барои рафъи оқибатҳои обхезиҳо ва селобаҳое, ки дар нӯҳ ноҳияи Тоҷикистон 9-12 майи соли 2016 ба вуқӯъ пайваста буданд, 60 ҳазор евро ҷудо намудааст.
Боронҳои шадид дар Тоҷикистон боиси марги 5 нафар, бепаноҳу беозуқа мондани 1500 оила, зарари инфрасохтори муҳими заминҳои кишт ва талафи чорво гардиданд.
Саридораи Комиссияи Аврупо оид ба кумакҳои башардӯстона ва ҳимояи авом «ECHO» ҷавобан ба илтимоси Федератсияи Байналмилалии Салиби Сурх ва Ҳилоли Аҳмар (ФБСС) оид ба расонидани ёрии таъҷилӣ, барои фонди ҳолатҳои фавқулодаи ин созмон маблағ ҷудо кард. Қарори мазкур дар асоси баҳодиҳии дақиқ, ки дар ҳамкорӣ бо шарикони зайл: «Дастаи баҳодиҳии фаврӣ ва ҳамоҳангии амалиёт дар ҳолатҳои фавқулода», ба истилоҳ «РЕАКТ», мақомоти давлатии Тоҷикистон оид ба ҳолатҳои фавқулода ва созмонҳои байналмилалии муқими Тоҷикистон гузаронида шуда буд, қабул гардид.
Маблағи мазкур ба Ҷамъияти Ҳилоли Аҳмари Тоҷикистон дастрас карда шуд, то ин созмон 320 оилаи аз ҳама бештар зарардидаро бо молҳои ғайрихӯрокӣ, аз ҷумла кӯрпачаҳо, рахти хоб, болопӯшҳо ва болишту бастачаҳои беҳдоштӣ таъмин намояд.
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
