Конфронси илмии «Истиқлолият ва ташаккули нашрияҳои илмӣ-адабӣ» дар Хуҷанд
Душанбе, 3.06.2016 /АМИТ «Ховар»/. Бахшида ба 25-умин солгарди Истиқлолияти давлатии Ҷумҳурии Тоҷикистон бо ташаббуси Муассисаи давлатии «Маркази илмии Камоли Хуҷандӣ» дар Маркази фарҳанги шаҳри Хуҷанд конфронси илмӣ таҳти унвони «Истиқлолият ва ташаккули нашрияҳои илмӣ-адабӣ» баргузор шуд.
Дар конфронс муовини раиси вилояти Суғд Назира Ғаффорӣ изҳор дошт, ки Истиқлолияти давлатии Ҷумҳурии Тоҷикистон, пеш аз ҳама, марҳилаи нави худшиносӣ, рушди илму фарҳанг ва дигар соҳаҳоро ба армуғон овард. Имрӯз фаъолият намудани бештар аз 30 номгӯй маҷаллаҳои илмию адабӣ дар кишвар самараи ғамхориҳои Асосгузори сулҳу Ваҳдати миллӣ — Пешвои миллат, Президенти кишвар муҳтарам Эмомалӣ Раҳмон ба соҳаи илму фарҳанг мебошад.
Хамчунин дар конфронс гзикр шуд, ки ҷомеаи ҷаҳонӣ дар охири асри 20 ва ибтидои асри 21 ба дастовардҳое ноил гардид, ки дар гузашта бесобиқа мебошанд. Дар ин давра дар Тоҷикистони соҳибистиқлол низ корҳои муҳим анҷом дода шуданд, ки дар тарғиби он маҷаллаҳои илмӣ-адабӣ нақши бориз доранд.
Баромадкунандагон нақш ва самти фаъолияти маҷаллаҳоро баён намуда, ташкил гардидани Муассисаи давлатии «Маркази илмии Камоли Хуҷандӣ» ва фаслномаи «Камоли Хуҷандӣ»-ро дар вилояти Суғд ҳамчун воқеи фараҳбахши фарҳангӣ ва ибтикори наҷиб арзёбӣ карданд.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
