Мулоқоти И. Қосимзода бо занони вилояти Суғд

Душанбе, 14.06.2016 /АМИТ «Ховар»/.    Бо мақсади баланд бардоштани маҳорату малака ва саҳми занон дар рушди кишвар ва ҷабҳаҳои гуногуни фаъолияти онҳо дар ҷомеа раиси Кумитаи кор бо занон ва оилаи назди Ҳукумати Ҷумҳурии Тоҷикистон Идигул  Қосимзода аз 7 то 11 июн бо фаъолзанони шаҳру ноҳияҳои Хуҷанд, Исфара, Панҷакент, Ашт ва Бобоҷон Ғафурови вилояти Суғд мулоқот намуд.
Раиси  кумита инчунин  бо шароити зиндагии занон  дар маҳалҳо аз наздик шинос гашт.
Тавре ки аз хадамоти матбуоти кумита хабар доданд,   вохӯриҳо бо иштироки васеи намояндагони мақомоти иҷроияи маҳаллии ҳокимияти давлатии шаҳру ноҳияҳои номбурда, шахсони барӯманд, раисони ҷамоатҳо, сарварони мактабҳо, занони фаъол ва хонанишин баргузор гардида, зимни вохӯриҳо аз ҷониби иштирокдорон оид ба масъалаҳои баррасигардида, фикру мулоҳизаҳо ва пешниҳодот манзур гаштанд.