Омӯзиши таҷрибаҳои беҳтарини муқовимат ба қонунигардонии даромадҳои бо роҳи ҷиноят бадастоварда
Душанбе, 14.06.2016 /АМИТ «Ховар»/. Ҳафтаи гузашта Бонки миллии Тоҷикистон дар ҳамбастагӣ бо Ҳайати намояндагони Раёсати мубориза бо гардиши ғайриқонунии маводи мухаддир ва ҷинояти СММ, намояндагони САҲА ва Гурӯҳи Авросиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм, дар мавзӯи «Пешниҳоди беҳтарин таҷрибаҳои кор дар бахши гузаронидани тафтишот дар самти мубориза бо қонунигардонии даромадҳои бо роҳи ҷиноят бадастоварда ва маблағгузории терроризм», барои мутахассисони Департаменти назорати молиявии БМТ, мақомоти судӣ, прокуратураи генералӣ ва дигар мақомоти ҳифзи ҳуқуқ семинари таълимӣ баргузор намуд.
Дар семинар коршиносони Раёсати мубориза бо гардиши ғайриқонунии маводи мухаддир ва ҷинояти СММ ва Гурӯҳи Авросиё оид ба муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм ба иштирокдорони семинар аз намунаҳои беҳтарини таҳқиқоти амалии молиявӣ мисолҳо оварда, барои дар амалия истифода бурдан усулҳои мушаххас ва муассир пешниҳод намуданд.
Дар хотимаи чорабинӣ иштирокдорон аз баргузории семинари мазкур изҳори қаноатмандӣ намуда, иброз доштанд, ки омӯзиши таҳқиқи ҷиноятҳои молиявӣ бо истифода аз усул ва технологияи муосир ба манфиати кор буда, таҷрибаҳои андӯхта дар амалия ҳатман татбиқ хоҳанд шуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






