Ҷопон ва ЮНИСЕФ барои беш аз 1 млн кӯдак вояву доруворӣ тақдим намуданд
Душанбе, 08.06.2016 /АМИТ «Ховар»/. Ҳукумати Ҷопон ва намояндагии ЮНИСЕФ ба Вазорати тандурустӣ ва ҳифзи иҷтимоии аҳолии кишвар як миқдор вояву дорувории зарурӣ тақдим намуданд. Маросими супоридани доруворӣ дар МД «Маркази ҷумҳуриявии таълимию клиникии тибби оилавӣ»-и Вазорати тандурустӣ ва ҳифзи иҷтимоии аҳолӣ бо иштироки Сафири Ҷопон дар Тоҷикистон Такаши Камада, намояндаи ЮНИСЕФ Лючия Элми, муовини вазири тандурустӣ ва ҳифзи иҷтимоии аҳолӣ Навруз Ҷаъфаров ва дигар намояндагони соҳаи тандурустӣ баргузор гардид.
Доруворӣ ва вояҳои тақдимшуда имкон медиҳанд, ки фавти кӯдакони навзод ва кӯдакони то 6- сола кам шавад. Бино ба иттилои муовини вазири тандурустӣ, маводи тақдимшуда аз занҷираи хунукинигоҳдоранда, вояҳои зидди сурхча, сурхакон, БСЖ ва гепатити В, маҳлулҳои регидрон ва синк барои пешгирии бемории дарунрав барои беш аз 1 миллион кӯдак иборатанд. «9 марти соли равон Ҳукумати Ҷопон ба миқдори беш аз 5 миллион доллари ИМА барои расонидани кумакҳои техникию башардӯстона, харидории воя барои пешбурди ҳамгироии бемориҳои кӯдакона то соли 2020 маблағ ҷудо намуд»,-илова намуд Н.Ҷаъфаров.
Зикр гардид, ки маводи доруворӣ дар доираи лоиҳаи «Пешгирӣ ва идоракунии бемориҳои кӯдакона», ки дар асоси созишномаии байни ҳукумати Ҷопон, ЮНИСЕФ ва Вазорати тандурустӣ ва ҳифзи иҷтимоии аҳолӣ ба имзо расидааст, амалӣ мегардад.
Такаши Камада баён дошт, ки яке аз самтҳои ҳамкории ҳукуматҳои Ҷопон ва Тоҷикистон- ин тақдими воя ва доруворӣ мебошад.
«Дар давоми 10 соли охир Ҷопон дуюмин кишваре мебошад, ки ба Тоҷикистон вояи бештарро пешниҳод мекунад. Ҳадафи ин иқдомҳо, албатта, коҳиш додани сатҳи фавт ва бемории кӯдакон мебошад»,-илова намуд Такаши Камада.
Намояндагони Сафорати Ҷопон дар Тоҷикистон ва ЮНИСЕФ инчунин аз ҷараёни эмкунии кӯдакон дар МД «Маркази ҷумҳуриявии таълимию клиникии тибби оилавӣ» дидан намуданд.
Бино ба гуфтаи ҳамшираи шафқати марказ, онҳо дар як рӯз 18-20 кӯдакро эм мекунанд.
«БА ДАВЛАТУ МИЛЛАТАМ СОДИҚОНА ХИЗМАТ МЕКУНАМ!». Дар Душанбе Фестивали дӯстии афсарону сарбозон ва ҷавонони синни даъватӣ баргузор мегардад
«КАДБОНУИ БЕҲТАРИН». Дар ноҳияи Бобоҷон Ғафуров даври ноҳиявии ин озмун баргузор гардид
Имрӯз дар баъзе аз ноҳияҳои кӯҳии Тоҷикистон бориши барфу борон дар назар аст
Имрӯз дар баъзе ноҳияҳои Тоҷикистон туман мефарояд
Дар ноҳияи Муъминобод 168 километр роҳи мошингард таъмир гардид
«Oila TV» – шабакаҳои телевизионӣ мувофиқи ҳар табъу завқ
Имрӯз дар ноҳияҳои кӯҳии Тоҷикистон бориши борон ва барф дар назар аст
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
