Санаи Иди Рамазон фардо муайян мегардад
Душанбе, 28.06.2016/АМИТ «Ховар»/. Рӯзи иди Рамазон фардо дар ҷаласаи Шӯрои уламои ҷумҳурӣ муайян карда мешавад,- гуфт дар суҳбат ба хабарнигори «Ховар» Сайидмукаррам Абдулқодирзода, раиси Шӯрои уламои ҷумҳурӣ. Мавсуф зикр кард, ки дар ҷаласаи Шӯрои уламо дар радифи муайян намудани санаи иди Рамазон, инчунин дигар масъалаҳо низ баррасӣ мегарданд.
Моҳи шарифи Рамазон аз 30 рӯз иборат буда, даҳ рӯзи аввали ин моҳи муборак раҳмат, даҳ рӯзи мобайнаш мағфират ва даҳ рӯзи охираш раҳоӣ аз оташи дӯзах аст. Дар моҳи шарифи Рамазон аз ҷониби Парвардигор Қуръони азимушшаън нозил гардидааст. Дар ин моҳ мусулмонони ҷаҳон рӯза медоранд, ибодат мекунанд, хатми Қуръони маҷид намуда, даст ба дуо мебардоранд, ба ниёзмандон ва барҷомондагон кумак мерасонанд.
Соли равон мувофиқи ҳисоби шаръӣ нисоби закот 17 ҳазору 400 сомонӣ муқаррар карда шудааст, ки аз он 435 сомонӣ закот дода мешавад. Инчунин садақаи фитр мувофиқи меъёри шаръӣ 5 сомонӣ ва фидяи савм барои соҳибони узри шаръӣ (шайхи фонӣ) ба миқдори 600 сомонӣ барои 30 рӯз муайян карда шудааст.
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
