Суғд: Ҳунармандоне, ки дар тан либосҳои қаҳрамонҳои афсонавиро доштанд, ба кӯдакон завқи дучанд бахшиданд
Душанбе, 01.06.2016 /АМИТ «Ховар»/. Имрӯз дар Маҷмааи фарҳангию таърихии «Қалъаи Хуҷанд» бахшида ба Рӯзи байналмилалии ҳифзи кӯдакон бо ҳузури беш аз 3 ҳазор нафар кӯдакону наврасон аз шаҳру ноҳияҳои вилояти Суғд чорабинии бузурги идона баргузор шуд.
Маҷмааи фарҳангию таърихии «Қалъаи Хуҷанд» ба як идҷойи воқеӣ табдил ёфт ва нишоту шодмонии кӯдаконро ҳадду канор набуд. Тамошои намоиши ҳунармандоне, ки дар тан либосҳои қаҳрамонҳои афсонавиро доштанд, барои кӯдакон завқи дучанд мебахшид ва онҳо суруру шодмонияшонро бо хандаҳои беғаши хеш баён месохтанд. Дар Маҷмаа гӯшаи зиндаи ҳайвоноту парандаҳои гуногун, гӯшаи саломатӣ ва аёниятҳои таблиғи тарзи ҳаёти солим, гӯшаи техникони наврас, барномаҳои фарҳангии кӯдакистонҳо ташкил гардида, маҳсули меҳнати дастии хонандагони макотиби вилоят ба намоиш гузошта шуд, ки кӯдакону наврасон аз тамошобинони асосии чунин гӯшаҳо буданд.
Дар ин рӯз ба ҳамаи кӯдакон, яъне ба беш аз 3 ҳазор иштирокчии чорабинии идона нӯшокиҳои ташнашикан ва яхмосу шириниҳои гуногун ба таври ройгон пешниҳод карда шуд. Барои кӯдакону наврасон инчунин оши палав омода гардида буд.
Бояд гуфт, ки аз ҷониби Асосгузори сулҳу Ваҳдати миллӣ — Пешвои миллат, Президенти кишвар муҳтарам Эмомалӣ Раҳмон ба тарбияи насли наврас диққати махсус зоҳир гардида, ҳамасола дар саросари кишвар теъдоди зиёди мактабу кӯдакистонҳои замонавӣ ба истифода дода мешавад.
Дар чорабинӣ аз ҷониби истеъдодҳои ҷавони вилоят барномаи фарҳангӣ манзур карда шуд ва фазои шаҳри бостонӣ пур аз танини суруду мусиқии тоҷикӣ гардид.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
