Ташрифи ҳайатҳои баландпояи ИА, САҲА ва Созмони ҷаҳонии сайёҳӣ ба Тоҷикистон
Душанбе, 2.06.2016 /АМИТ «Ховар»/. Аз 6 то 11 июни соли равон ба Ҷумҳурии Тоҷикистон ҳайатҳои баландпояи ИА, САҲА ва Созмони ҷаҳонии сайёҳӣ ташриф меоранд. Дар ин бора ба АМИТ «Ховар» аз Раёсати иттилоот, матбуот, таҳлил ва тарҳрезии сиёсати хориҷии ВКХ хабар доданд.
Аз ҷумла, 6 июни соли 2016 ҷиҳати иштирок дар машваратҳои сиёсии дуҷониба байни Тоҷикистону Австрия ба Тоҷикистон сардори раёсати Аврупои Шарқӣ, Қафқози Ҷанубӣ, Осиёи Марказӣ, сиёсати ҳамҷавории шарқии Иттиҳоди Аврупо ва шарикии шарқии Аврупои марказии Вазорати федералӣ оид ба Аврупо, ҳамгироӣ ва корҳои хориҷии Ҷумҳурии Австрия, Сафир Ҳайдемария Гюрер ташриф меорад.
Инчунин ҷиҳати иштирок дар ҷаласаи гурӯҳи кории мақсадноки Тоҷикистону САҲА аз 6 то 9 июни соли 2016 ҳайати САҲА таҳти роҳбарии сардори Маркази пешгирии низоъҳои САҲА сафир Марсел Пешко ба Душанбе хоҳад омад.
Ҷиҳати ширкат дар Муколама оид ба ҳуқуқи инсон байни ҶТ ва Иттиҳоди Аврупо 8-11 июни соли 2016 сардори Раёсати кишварҳои Осиёи Марказии Хадамоти амалиёти хориҷии Иттиҳоди Аврупо Тойво Клаар ба Душанбе меояд.
9 -11 июни соли 2016 ташрифи Дабири кулли Созмони ҷаҳонии сайёҳӣ Толиб Рифоӣ ба нақша гирифта шудааст.
Имрӯз дар шаҳри Душанбе ҳаво то 39 дараҷа гарм мешавад
27 июл дар Донишгоҳи давлатии тиҷорати Тоҷикистон ва Донишгоҳи славянии Тоҷикистон-Русия нишасти матбуотӣ баргузор мегардад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
