ВКД: боздид аз хоҷагии ёрирасони Вазорати корҳои дохилӣ дар ноҳияи Нуробод
Душанбе, 2.06.2016 /АМИТ «Ховар»/. Имрӯз, 2 июн вазири корҳои дохилии Ҷумҳурии Тоҷикистон Раҳимзода Рамазон Ҳамро ба минтақаи Рашт сафар намуда, боздиди худро аз заминҳои хоҷагии деҳқонии Вазорати корҳои дохилӣ дар ноҳияи Нуробод оғоз намуд.
Барои се гектар хоҷагии ёрирасони Вазорати корҳои дохилӣ дар ноҳияи Нуробод аз масофаи 8 километр об оварда шуда, заминҳои корам шодоб гардидаанд.
Дар хоҷагии ёрирасони мазкур навъҳои гуногуни маҳсулот, аз қабили картошка, пиёз, сабзӣ, карам ва дигар маҳсулоти обчакорӣ: лаблабу, помидор, бодиринг, боимҷон, каду, сабзаҷот ва дигар анвои маҳсулот парвариш ёфта, ҳамасола ҳосили хуб медиҳанд.
Чунин ҳосили хуби сабзавоту меваҷот ба масъулин шароит фароҳам меоварад, то ҳайати шахсӣ, қисмҳои низомӣ ва дигар воҳидҳои мақомоти корҳои дохилӣ бо сабзавоту меваҳои тоза таъмин гардида, ҳамзамон барои фасли зимистон анвои гуногуни нӯшоба, қиёми помидор ва хӯришҳои хуштаъмро захира намоянд.
Вазири корҳои дохилӣ зимни боздид аз хоҷагии ёрирасони Вазорати корҳои дохилӣ дар ноҳияи Нуробод ба масъулини соҳа барои нигоҳубини заминҳои корам, парвариши маҳсулоти ниёзи аввалия ва ба даст овардани ҳосили хуб дастуру супоришҳои мушаххас дод.
Сафари вазири корҳои дохилӣ ба минтақа ва ноҳияи Рашт идома дорад.
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд
Ректори Донишгоҳи байналмилалии сайёҳӣ ва соҳибкории Тоҷикистон бо унвони «Профессори фахрӣ»-и ду донишгоҳи Чин сарфароз гардид
ПАРЧАМИ МО ПАРФИШОН АЗ ПЕШВОИ МИЛЛАТ АСТ! Дар Душанбе ҳамоиши ҷашнии ҷавонону варзишгарон баргузор шуд
