Вохӯрӣ бо ҳайати парлумонии Исроил дар ВКХ

Душанбе, 3.06.2016 /АМИТ «Ховар»/. Вохӯрии муовини вазири корҳои хориҷии Ҷумҳурии Тоҷикистон Музаффар Ҳусейнзода бо ҳайати парлумонии Давлати Исроил бо роҳбарии вакили Кнессет Шарен Ҳаскел дирӯз дар Душанбе баргузор шуд. Дар вохӯрӣ ҳамчунин Сафири давлати Исроил дар Ҷумҳурии Тоҷикистон хонум Кармела Шамир иштирок намуд.
Дар ҷараёни суҳбат ҳолат ва дурнамои густариши муносибатҳои Тоҷикистон ва Исроил дар соҳаҳои иқтисод, кишоварзӣ, энергетика, саноат, тандурустӣ, маориф, саёҳат, илм ва фарҳанг баррасӣ шуданд. Дар ин замина бар зарурати тавсеаи пояи шартномавию ҳуқуқии ҳамкории дуҷониба ва фаъол намудани робитаҳои байни доираҳои соҳибкории ду кишвар таъкид гардид.
Роҷеъ ба масъалаҳои дигари мавриди эҳтимоми тарафайн табодули назар сурат гирифт.