Вохӯрии муҳоҷирони меҳнатӣ дар фурудгоҳ
Душанбе, 17.06.16./АМИТ «Ховар»/. Муассисаи давлатии «Марказҳои машваратӣ ва омодагии пеш аз сафари муҳоҷирони меҳнатӣ» дар шаҳри Душанбе омодааст як гурўҳ шаҳрвандони мамлакатро, ки соҳибкасб мебошанд, бо ҷойи кор дар шаҳри Санкт-Петербург ва вилояти Свердловски Федератсияи Русия таъмин намояд.
Дар ин бора 16 июни соли равон дар толори пеш аз парвоз дар фурудгоҳи байналмилалии Душанбе дар вохӯрии муовини сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Толиб Шарипов ва директори Муассисаи давлатии «Марказҳои машваратӣ ва омодагии пеш аз сафари муҳоҷирони меҳнатӣ» дар шаҳри Душанбе Суҳроб Тошев бо як гурўҳ шаҳрвандони ҷумҳурӣ, ки тавассути тайёра ба самти шаҳрҳои Маскав ва Санкт-Петербурги Федератсияи Русия равон буданд, иброз намуданд.
Инчунин С. Тошев зикр намуд, ки шахсоне, ки ба ин марказ муроҷиат мекунанд, ҳамаи ҳуҷҷатгузориҳояшон ройгон сурат мегирад. Зимни вохўрӣ бо мусофирони хатсайри Душанбе-Маскав ва Душанбе-Санкт-Петербург Т. Шарипов муфассал дар бораи тағйиру иловаҳо ба қонунгузории Федератсияи Русия дар самти муҳоҷират, гирифтани Сертификат, патент, полиси тиббӣ, суғуртавӣ, бастани шартнома бо корфармо, ҳолати будубош дар кишвари хориҷӣ, бахусус дар бораи он нафароне, ки вурудашон ба Федератсияи Русия манъ аст, сухан гуфт.
Ў афзуд, ки шаҳрвандони ҷумҳурӣ пеш аз сафар ҳатман ба раёсатҳо, шуъбаву бахшҳои Хадамоти муҳоҷират дар шаҳру ноҳияҳо ва вилоятҳои мамлакат муроҷиат намоянд.
Дар ин бора аз Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ доданд.
Имрӯз дар Тоҷикистон ҳаво абрнок шуда, борон меборад
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
