Ёвон: Мусобиқаи ҷумҳуриявӣ дар сатҳи ноҳия ҷамъбаст гардид

Ёвон, 13.06.2016 /АМИТ «Ховар»/.  Бо мақсади дар сатҳи баланд ҷашн гирифтани 25-солагии Истиқлолияти давлатии Ҷумҳурии Тоҷикистон ва фароҳам овардани шароити мусоид барои рушди иқтисодию иҷтимоии минтақаҳои мамлакат, ободонию  бунёдкорӣ дар ноҳияи Ёвон марҳилаи якуми Мусобиқаи ҷумҳуриявии беҳтарин шаҳр, ноҳия, шаҳрак, деҳот, деҳа, маҳалла ва хонаю оилаи намунавӣ дар сатҳи ноҳия ҷамъбаст гардид, ки дар ин марҳила аз байни 78 деҳаю 32 маҳалла ва 26 оилаи намунавию 27 хона 3 деҳа, 3 маҳаллаи беҳтарин ва 3 хонаю 3 оилаи намунавӣ ғолиб дониста шуданд.
Ба ғолибон аз тарафи раиси ноҳия Амирбеки Темур бо иштироки намояндагони Кумитаи рушди маҳали назди Президенти Ҷумҳурии Тоҷикистон ва вилояти Хатлон дар вазъияти тантанавӣ шаҳодатномаҳо, дипломҳо ва туҳфаҳои пулӣ тақдим карда шуданд.