Агентии хариди давлатии мол, кор ва хизматрасонии назди Ҳукумати ҶТ барои ишғол намудани мансабҳои холӣ озмуни кушода эълон менамояд

Душанбе, 01.07.2016 /АМИТ «Ховар»/. Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон барои ишғол намудани мансабҳои холии маъмурии хизмати давлатӣ ва кормандҳои техникӣ ОЗМУНИ КУШОДА  ЭЪЛОН  МЕНАМОЯД:

Номгӯи мансабҳо:

1. Шуъбаи таҳлил, назорат ва таъмини иттилоотии хариди давлатӣ: сармутахассис — 1 воҳид (таҳсилоти олӣ дар соҳаи иқтисодиёт, собиқаи хизмати

давлатӣ на кам аз 2 сол, ё собиқаи умумии меҳнатӣ аз рӯи ихтисос на кам аз 3 сол).

2. Бахши ҳуқуқ, такмил ва мониторинги хариди давлатӣ:

сармутахассис — 1 воҳид (таҳсилоти олӣ дар соҳаи ҳуқуқ, собиқаи хизмати давлатӣ на кам аз 2 сол, ё собиқаи умумии меҳнатӣ аз рӯи ихтисос на кам аз 3 сол).

3. Бахши молия ва баҳисобгирии муҳосибавӣ:

мутахассиси пешбар — 1 воҳид (тахсилоти олӣ дар соҳаи молия, муҳосибот, иқтисодиёт, собиқаи умумии меҳнатӣ аз рӯи ихтисос на кам аз 1 сол).

4. Котиб-коргузор -1 воҳид (таҳсилоти олӣ ва ё миёнаи махсус дар соҳаи гуманитарӣ, собиқаи умумии меҳнатӣ аз рӯи ихтисос на кам аз 1 сол).

Малакаи хуби кор бо компютер ва таҷҳизоти коммуникатсионии идоравӣ, донистани забони давлатӣ барои ҳамаи довталабон ҳатмист, ба донандагони забонҳои хориҷӣ ва дорандагони унвонҳои соҳавии илмӣ афзалият дода мешавад.

Довталабон ба Комиссияи озмунӣ хуҷҷатҳои зеринро бояд пешниҳод намоянд:

• аризаи шахсӣ барои иштирок дар озмун ба Комиссияи озмунӣ (шакли мукарраршуда);
• варақаи шахсии баҳисобгирии кадрӣ (бо ду адад акси 4×6);
• шарҳи ҳол;
• нусхаи шиноснома;
• нусхаи хуҷҷати тасдиқкунандаи таҳсилот;
• нусхаи хуҷҷати тасдиқкунандаи собиқаи меҳнатӣ (дафтарчаи
• меҳнатӣ);
• нусхаи билети ҳарбӣ (барои шахсони уҳдадори ҳарбӣ);
• маълумотнома оид ба вазъи саломатӣ (шакли 086);
• нусхаи гувоҳнома аз мақомоти андоз (РМА);
• маълумотнома аз ҷои зист;
• нусхаи шаҳодатномаи суғуртаи давлатии иҷтимоӣ (СИН)
• нусхаи хатти ақди никоҳ;

Довталабон метавонанд хуҷҷатхои талабгардидаро тавассути суроғаи электронии info@zakupki.gov.tj  ё ба сурогаи ш. Душанбе, кучаи Шота Руставели, 22, пешниҳод намуда, маълумоти иловагиро оид ба низоми озмун, салоҳият ва вазифаҳои мансабӣ тавассути телефони 227-66-04 дастрас намоянд.

Муҳлати ниҳоии қабули хуҷҷатҳо то соати 17.00 баъд аз гузаштани муҳлати 14 рузи нашри эълони мазкур дар восоити ахбори омма.