Дар Минск конфронси байналмилалии илмию амалӣ бахшида ба 25-умин солгарди ИДМ баргузор мегардад

Душанбе, 04.07.2016 /АМИТ «Ховар»/. Дар Академияи миллии илмҳои (АМИ) Беларус ҷаласаи навбатии кумитаи тадорукот оид ба омодагӣ ва баргузории конфронси байналмилалии илмию амалӣ бахшида ба «25 соли Иттиҳоди Давлатҳои Мустақил: натиҷаҳо ва дурнамо» баргузор гардид.
Дар конфронс чор мавзӯъ: «Ҳамкории иқтисодӣ ва такмили заминаи ҳуқуқии кишварҳои иштирокдори ИДМ», «Ҳамкории илмӣ ва инноватсионии кишварҳои иштирокдори ИДМ», «Ҳамкории кишварҳои иштирокдори ИДМ дар соҳаи маориф, фарҳанг, сайёҳӣ, варзиш ва сиёсати ҷавонон», ва «Ҳамкории кишварҳои иштирокдори  ИДМ дар соҳаи амният» матраҳ хоҳанд шуд
Конфронси байналмилалӣ 28-29 сентябри соли равон дар шаҳри Минск баргузор мегардад.
Дар кори конфронс беш аз 200 намояндагони тамоми кишварҳои иштирокдори ИДМ, сафирон ва намояндагони доимии кишварҳои аъзои ИДМ, кормандони намояндагиҳои дипломатӣ ва намояндагиҳои ташкилотҳои байналмилалии муқими Беларус, намояндагони мақомоти ИДМ ва созмонҳои заминавии кишварҳои ИДМ, аъзои Комиссия оид ба масъалаҳои иқтисодӣ дар назди Шӯрои иқтисодии ИДМ , намояндагони зиёиёни илмӣ иштирок мекунанд.