Дар Сангвор имсол дар майдони 2435 гектар ғалладона ва картошкаю сабзавот кишт намуданд

Сангвор, 21.07.2016. /АМИТ «Ховар»/. Ноҳияи Сангвор яке аз минтақаҳои кишоварзии ҷумҳурӣ ба шумор рафта, зиёда аз 70 дарсади аҳолии қобили меҳнат дар соҳаи кишоварзӣ фаъолият мекунанд.
Имсол кишоварзон дар ҳамаи шаклҳои хоҷагидории ноҳия 2435 гектар, аз ҷумла 1648 гектар ғалладонагӣ, 122 гектар сабзавот ва 630 гектар картошка кишт намудаанд. Айни замон нашъунамои картошка хуб аст. Деҳқонони ноҳия азм доранд, ки бо фароҳам омадани обу ҳавои мусоид аз ҳар гектар картошказор то 500 сентнер ҳосил ба даст оранд.
Кишоварзони ноҳия то имрӯз 503 тонна гӯшт, 1345 тонна шир ва 605 ҳазор дона тухм истеҳсол намудаанд. Дар шаш моҳи соли ҷорӣ маҷмӯи маҳсулоти кишоварзӣ ба 11 миллиону 651 ҳазор сомонӣ баробар гардида, нисбат ба ҳамин давраи соли гузашта 1 миллиону 151 ҳазор сомонӣ зиёд мебошад.