Дар Ваҳдат Варзишгоҳи марказӣ барои 25 ҳазор тамошобин дар арафаи ҷашни Истиқлолият ба истифода дода мешавад

Ваҳдат, 14.07.2016 /АМИТ «Ховар»/. Бахшида ба ҷашни 25- солагии Истиқлолияти давлатии Ҷумҳурии Тоҷикистон дар маркази шаҳри Ваҳдат барои 25 ҳазор нафар тамошобин Варзишгоҳи марказии замонавӣ сохта истодаанд, ки дар арафаи ҷашни 25- солагии Истиқлолияти давлатӣ ба истифода дода мешавад. Ваҳдатиён ин иди фархундаро дар варзишгоҳи нав бо иштироки меҳмонони олиқадри чумҳурӣ ҷашн мегиранд.
Варзишгоҳи мазкур аз шаш қисмат иборат буда, ду қисмати онро Дирексияи сохтмонии иншооти ҳукуматии Дастгоҳи иҷроияи Президенти Ҷумҳурии Тоҷикистон бо маблағи 21 миллион сомонӣ бунёд менамояд ва қисматҳои боқимондаро Мақомоти иҷроияи ҳокимияти давлатии шаҳри Ваҳдат бо маблағи 32 миллион сомонӣ маблағгузорӣ хоҳад намуд.
Дар сохтмони мазкур дар ду баст зиёда аз 500 нафар коргарон бо кори доимӣ машғул мебошанд. Инчунин рӯзҳои шанбе аз ҳисоби сокинони шаҳр барои корҳои ободонии назди варзишгоҳ ҳашарҳои умумӣ ташкил гардид, ки дар онҳо  зиёда аз 2 ҳазор нафар иштирок карданд.