ДМТ: 190 нафар хатмкунандагони равияҳои омӯзгорӣ бо ҷои кор таъмин шуданд
Душанбе, 14.07.2016. /АМИТ «Ховар»/. «Дар тақсимоти хатмкунандагони имсола 190 нафар хатмкунандагони равияҳои омӯзгорӣ пурра ба шуъбаҳои маорифи маҳалли истиқоматашон фиристода шуданд». Ин нуқтаро зимни нишасти матбуотӣ ректори Донишгоҳи миллии Тоҷикистон Маҳмадюсуф Имомов иброз намуд.
Ба иттилои номбурда, аз 190 нафар хатмкунандагони гурӯҳҳои буҷавии ихтисосҳои равияи омӯзгорӣ, 27 нафар ба раёсати маорифи шаҳри Душанбе, 73 нафар ба ноҳияҳои тобеи ҷумҳурӣ, 60 нафар ба вилояти Хатлон, 7 нафар ба вилояти Суғд ва 23 нафар ба ВМКБ сафарбар карда шуданд.
Бояд зикр намуд, ки имсол дар ҷараёни кори тақсимот ба унвони Донишгоҳи миллӣ зиёда аз 700 дархосту мактубҳо ворид гардиданд, ки дар онҳо муассисаҳои дахлдор талаботи худро вобаста бо ҷои кор таъмин намудани хатмкунандагон иброз доштанд.
Ҳамаи дархосту пешниҳодҳо дар вақти тақсимот ба назар гирифта шуда, хатмкунандгон ба ҷойҳои кории дилхоҳашон фиристода шуданд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
