Донишмандони тоҷик бори нахуст ба ҷаҳони табии инсон рӯ оварданд

Июль 8, 2016 11:22

Душанбе. 08.07.2016. /АМИТ «Ховар»/. Дар Китобхонаи миллии Тоҷикистон маҳфили рӯнамоии китоби Т. Раҷабов, физикдони тоҷик таҳти унвони «Назария дар бораи тафовут дар табиати ашёӣ: дар мавриди қонуниятҳои тафовути табиат, минталитет ва зарфиятҳои инсон» баргузор гардид.
Муаллифи китоб  оид ба таълифи китоб, мӯҳтаво ва моҳияти илмии мавзӯи он  ба иштирокдорони ҳамоиш маълумот дода, зикр намуд,  ки илми муосир дар шинохти табиати инсон имрӯз аз имкониятҳои соҳаҳои гуногуни донишҳои муосир истифода менамояд ва махсусан, аз нигоҳи қолабҳои тафаккури умумии табиатшиносӣ ва илмҳои дақиқ пажӯҳиш намудани вежагиҳои табиати инсон ба ҳукми анъана даромада истодааст.
«Мо бори нахуст кӯшиш ба харҷ додаем, ки ба ҷаҳони табии инсон, ки муҳимтарин ва мураккабтарин офаридаи табиат аст, таваҷҷуҳ намоем»,- гуфт Т. Раҷабов ва афзуд, ки   мақсади мо ошкор кардани омилҳои табиат дар ташаккули вазъи иҷтимоии ҷомеаи инсонӣ аст.
Бо истифода аз мафҳуму ифодаҳои математикӣ дар китоби мазкур собит карда мешавад, ки инсон сарфи назар аз ҳамаи омилҳои табию иҷтимоии ташаккулаш дорои сифатҳо ва қобилиятҳои фитрию модарзодист, ки он дар ҷое инкишоф ёфта, дар синни камолот ӯро дар ин ё он соҳаи илм ё ҳунар соҳибистеъдод мегардонад. Барои ба ин мартаба расидан як қатор омилҳое ҳастанд, ки онҳоро зери мафҳуми «сифатҳои матеватсионӣ» дар китоби мазкур мавриди баррасӣ қарор гирифтааст.
Сипас, дар ҳамоиш  Д. Комилов, академики Академияи илмҳои кишоварзии Ҷумҳурии Тоҷикистон, А. Комилӣ, доктори илмҳои физикаю математика, А. Байзов, номзади илмҳои филологӣ Ш, Солеҳов, доктори илми филология, докторони илми таърих А. Қушматов, А. Афзалов ва дигарон доир ба мӯҳтавои китоб фикру мулоҳизаҳои худро баён намуда, таъкид карданд, ки воқеан ин шеваи таҳқиқи табиати одамӣ дар илм падидаи комилан наву  назарияи тоза аст ва пешниҳод намуданд, ки китоби мазкур бояд  бо иштироки донишмандони соҳаҳои гуногуни илми муосир мавриди баррасӣ қарор гирад, ки он барои такмили назарияи мазкур муфид  хоҳад буд.
Илова бар ин, дар ҳамоиш зикр гардид, ки Т. Раҷабов воқеан муҳаққиқи ҷӯянда ва пуркору фаррохназар мебошад. Махсусан корҳои пажӯҳишии солҳои охир ба анҷом расонидаи ӯ далели дар масири дурусту имрӯзии донишҳои илмӣ қарор доштани ин муҳаққиқи тоҷик мебошад. Дар ин натиҷагирии илмӣ, ки дар шакли китоб пешниҳод гардидааст, муаллиф ҳамчун як назарияпардози комилан ҷадид муаррифӣ мешавад ва афкори назарии пешниҳодгардидаи ӯ метавонад барои таҳқиқоти минбаъдаи амалӣ замина фароҳам оварад.

Июль 8, 2016 11:22

Хабарҳои дигари ин бахш

Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд