Литсейи касбии махсуси маъюбон: хонандагон дар баробари омӯзиши касбу ҳунар табобат мегиранд

Июль 19, 2016 18:02

Душанбе, 19.07.2016 /АМИТ «Ховар»/. Литсейи касбии махсуси маъюбони шаҳри Душанбе  — ягона макони таълиму тадрис ва бо ҷойи кор таъмин намудани маъюбон дар пойтахт  маҳсуб шуда, аз рӯйи шаш ихтисос мутахассис тайёр мекунад. Қисмати зиёди хатмкардаҳои Литсей ҳамчун мутахассиси пойафзолдӯзӣ дар Заводи ортопедии шаҳри Душанбе фаъолият дошта, барои маъюбон  маҳсулоти ориятӣ  истеҳсол менамоянд.

Мавлуда Саидаҳмадзода, директори муассисаи  мазкур дар суҳбат бо хабарнигори  АМИТ «Ховар» фаъолияти  Литсейро тӯли 5 соли мавҷудияташ шарҳ дода,  аз ҷумла зикр намуд, ки  дар Литсей   263 нафар хонандагони ниёзманд ба таҳсил фаро гирифта шуда, он дорои 10 синфхонаи назариявӣ, 6 устохона, 6 синфхонаи умумӣ ва 4 хонаи кории муҷаҳҳаз бо таҷҳизоти муосир, ҳамчунин китобхонаи электронӣ, қироатхона, бунгоҳи тиббӣ ва ошхонаи ба талаботи замон ҷавобгӯ мебошад.

Литсейи касбии махсуси маъюбон дар маҳаллаи Камонгарони ноҳияи Сино воқеъ гардида, дар  гурӯҳҳои радиомеханика, телевизион, системаи роёна, интернет  технология, ҳисобдорӣ, дӯзандагӣ ва пойафзолдӯзӣ барои касбомӯзон  шароити хуби зиндагиву омӯзиши касбу ҳунар фароҳам оварда шудааст. Ҳамин аст, ки   маҳсули дастранҷи дӯзанда  тарроҳони моҳири Литсей  қобили таваҷҷуҳ гардидааст. Кори дастии  бо  санъати баланд офаридаи онҳо метавонад на танҳо диққати мардуми кишвар, балки сайёҳони хориҷиро низ ҷалб намояд. Барои ин ташкили намоиш  фурӯши маҳсулоти дастии онҳо ба манфиат аст ва маъмурияти Литсей дар пайи амалӣ гардидани он аст.

Хонандагони Литсей аз  имкониятҳои васеи таълимӣ дар муассиса васеъ истифода бурда,  метавонад баъд аз хатми он бе монеа ба донишгоҳҳо дохил шаванд,  зеро ҳангоми қабул ба мактабҳои олии касбии кишвар  аз имтиёзҳо бархӯрдоранд.

Бо дастгирии устодону омӯзгорони пуртаҷриба хонандагон  кӯшиш менамоянд, ки  бо баҳои хубу аъло таҳсил намуда, барои баланд бардоштани маънавиёти худ  аз китобхонаи электронӣ, ки дорои адабиёти зиёди бадеиву  таълимӣ мебошад, самаранок истифода мебаранд.

IMG_0020Табибони  бунгоҳи тиббию ҳуҷраи физиотерапевтӣ, ки  аз 7 нафар иборатанд, ба солимгардонии хонандагони маъюб аҳамияти ҷиддӣ медиҳанд. Барои беҳсозии саломатии онҳо утоқи тавонбахшӣ бо воситаҳои ҳаракатдиҳандаи узвҳои бадан, маҳс, сандалии барқӣ амал мекунанд.

Сарпарасти асосии Литсейи касбии махсуси маъюбон  Вазорати саноат ва технологияҳои нави ҷумҳурӣ мебошад, ки аз ҷониби Ҳукумати мамлакат ҷиҳати дастгирии ҳамаҷонибаи шахсони дорои имконияташон маҳдуд вобаста шудааст. Вазорат дар давоми чанд соли охир барои таъмини муассиса бо дастгоҳҳои дӯзандагӣ ва утоқи таъмири ашёи рӯзгор мусоидат намудааст.

Бо вуҷуди ин, муассисаи таълимӣ ба толори варзишии дорои таҷҳизоти солимгардонӣ ниёз дорад. Зеро маҳз ривоҷи варзиш дар литсей омили бардамиву рӯҳи солими маъюбон мегардад. Ҳамчунин литсейи касбии махсуси маъюбон ба таъмир ниёз дорад, утоқҳои хоб ва баъзе аз синфонахонаҳои таълимӣ аз дастгоҳҳои муътадилсозии ҳавои хона  маҳруманд. Феълан 100 нафар хонандагони маъюб дар таътили тобистона ба истироҳатгоҳҳо сафарбар шудаанд. Масъулони соҳа умед бар он доранд, ки бартараф сохтани мушкилоти ҷойдошта аз ҷониби сарпарасти кул ва дигар шахсони хайрхоҳ боиси сарфарозии ҳар як касбомӯз гардида, дар солимии ин қишри ҷудонопазири ҷомеа мусоидат мекунад.

Июль 19, 2016 18:02

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд