Роҳу усулҳои ҳифзи олами набототу ҳайвоноти нодири Тоҷикистон ва Қирғизистон мавриди баррасӣ қарор гирифтанд

Июль 28, 2016 10:02

Хоруғ, 28.07.2016. /АМИТ«Ховар»/. Раёсати маорифи Вилояти Мухтори Кӯҳистони Бадахшон  дар ҳамкорӣ бо созмонҳои ҷамъиятии «Кӯҳҳои Помир-»и Тоҷикистон ва «Таълим форум»-и Қирғизистон  бо баргузории давраи омӯзишии даҳрӯза  бо ширкати  омӯзгорону хонандагони макотиби миёна аз ноҳияҳои Роштқалъа, Рӯшон,  Ишкошим ва Мурғоб   роҳу усулҳои  ҳифзи олами набототу ҳайвоноти нодирро дар шароити кӯҳсор мавриди баррасӣ қарор доданд.
Семинар дар мавзеи зебоманзари шифохонаи «Гармчашма» доир гардид ва дар он сокинони куҳансол ва соҳибтаҷрибаи деҳоти наздик ба ин шифохона низ даъват  шуданд. Раҳбари ташкилоти ҷамиятии «Таълим форум»-и Қирғизистон Алмагул  Усмонова иброз намуд: «Мо ба ин семинар онҳоеро даъват намудем, ки дар деҳоти дурдаст иқомат мекунанд ва ба табиати ваҳшӣ аз наздик шинос мебошанд. Ҳифзу муроқибати неъматҳои табиат ва бидуни осеб ба дасти насли оянда расондани онон аз ҳар ҷиҳат ба кӯдакону наврасон бастагии зич дорад. Аз ин рӯ нисфи зиёди иштирокдорони ин семинарро кӯдакону наврасон ташкил медиҳанд. Рамзи семинарро озодапаланг-яке аз ҳайвоноти нодир, ки шомили китоби сурхи ҷаҳонӣ мебошад, интихоб намудем. Азбаски макони иқомати паланги барфӣ кӯҳсорони Тоҷикистон ва Қирғизистон ба шумор меравад, мо қарор додем, ки бо роҳандозии ин давраи омӯзиш ба омӯзгорону толибилмон маълумоти бештар ироа намуда, тавассути онҳо маърифати экологии дигар бошандагони минтақаро низ ба сатҳи баландтар бардорем».

Июль 28, 2016 10:02

Хабарҳои дигари ин бахш

ОБУ ҲАВО: Имрӯз дар шаҳри Душанбе ҳаво рӯзона 28+30 дараҷа гарм мешавад
ТАҚВИМИ АМИТ «ХОВАР»: имрӯз 27 апрел, чоршанбе, 117- умин рӯзи соли 2022 аст
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ҚУРБИ АСЪОР 1 евро аз 13.4481 то 13.5500 сомонӣ муқаррар шудааст
Пагоҳ дар Минск ҷаласаи Шӯрои намояндагони доимии кишварҳои ИДМ баргузор мешавад
Дар ноҳияи Шаҳринав 9 нафар ба кори доимӣ ва 30 нафар ба корҳои ҷамъиятии мавсимӣ роҳхат гирифтанд
БА ИСТИҚБОЛИ 25-СОЛАГИИ ВАҲДАТИ МИЛЛӢ. Сарраёсати ободонӣ ва хоҷагию манзилии шаҳри Хуҷанд соҳиби бинои нави маъмурӣ мегардад
ОБУ ҲАВО: Имрӯз дар Тоҷикистон ҳаво қисман абрнок ва бебориш дар назар аст
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои камабри бебориш дар назар аст
Дар Тоҷикистон хатари зуҳуроти сел то охири ҳафта боқӣ мемонад
Дар Лахш оид ба тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ ҳамоиш доир шуд