Сокини Душанбе «Опел Зефира»-ро рабуд

Душанбе, 14.07.2016 /АМИТ «Ховар»/. Ба Шуъбаи ВКД-2 дар ноҳияи Фирдавсӣ марди 45-солаи сокини шаҳри Душанбе муроҷиат намудааст, ки 12 июли соли равон, тахминан соатҳои 12:00 шахсони номаълум бо роҳи пинҳонӣ мошини шахсиаш тамғаи «Опел Зефира»-ро, ки дар кӯчаи Н.Қарабоеви пойтахт беназорат меистод, ғайриқонунӣ ҳай карда бурдаанд.
Тавре аз Вазорати корҳои дохилии ҶТ хабар доданд, зимни гузаронидани чорабиниҳои фаврию ҷустуҷӯӣ аз ҷониби кормандони милитсия марди 19-солаи сокини пойтахт бо гумони ғайриқонунӣ ҳай карда бурдани воситаи нақлиёт дастгир карда шуд.
Нисбати далели мазкур парвандаи ҷиноятӣ оғоз гардида, тафтишот идома дорад.