Суҳбати сарироҳии Кумитаи кор бо занон бо шаҳрвандони пойтахт

Душанбе, 15.07.2016. /АМИТ «Ховар»/. 13 июли соли равон Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади баланд бардоштани ҳувияти миллӣ, пешгирии хурофотпарастӣ ва сатрпӯшии занону духтарон дар Боғи фароғатии ба номи Абӯабдулло Рӯдакии шаҳри Душанбе бо шаҳрвандон суҳбатҳои сарироҳӣ ва корҳои фаҳмондадиҳӣ баргузор намуд.
Масъулин зимни машварат бо роҳгузарон оид ба масъалаҳои арҷ гузоштан ба анъана ва фарҳанги либоспӯшии миллӣ, дурӣ ҷустан аз бегонапарастӣ ва тарбия намудани фарзандон дар рӯҳияи ватанпарастӣ суҳбат намуданд.