«Тоҷик Эйр» ҷуғрофиёи парвозҳояшро фарох мегардонад

Душанбе, 27.07.2016. /«АМИТ «Ховар»/. «Тоҷик Эйр» ҷуғрофиёи парвозҳояшро фаррох мегардонад»,  зикр намуд директори генералии ҶСК «Тоҷик Эйр»  Хайрулло Раҳимов.
Ифтитоҳи хатсайри нави  Душанбе-Пекин-Душанбе, ки бо хизматрасонии бизнес-класс роҳандозӣ гардид, шаҳодати гуфтаҳост.   Инчунин ширкати ҳавопаймоии «Тоҷик Эйр» дар ин давра парвозҳои мунтазамро ба шаҳрҳои Русия,  Қазоқистон, Қирғизистон, Эрон, Ҳиндустон анҷом дода, дар хатсайрҳои  дохилӣ парвозҳо асосан ба марказҳои маъмурии Вилояти Мухтори Кӯҳистони Бадахшон ва вилояти Суғд шаҳрҳои Хоруғ ва Хуҷанд сурат гирифтаанд.
Бояд тазаккур дод, ки «Тоҷик Эйр» ягона интиқолдиҳандаест, ки парвозҳоро ба Вилояти Мухтори Кӯҳистони Бадахшон анҷом медиҳад ва бо назардошти зиёд гардидани талабот ҳамарӯза ба шаҳри Хоруғ ду парвозӣ иҷро гардиданд. Дар рӯзҳои  таҷлили ҷашни Ваҳдати миллӣ «Тоҷик Эйр» дар як рӯз то панҷ парвозро аз Душанбе ба Хоруғ  ба  анҷом расонида буд.