«Fashion Consulting Group» ба маркетологҳо ва соҳибкорон роҳҳои муваффақи бозорёбиро меомӯзонад

Август 3, 2016 09:09

 Душанбе, 03.08.2016. /АМИТ Ховар/. Дар давраи омӯзишие, ки имрӯз дар шаҳри Хуҷанд оғоз ёфт, бозоршиносон, соҳибкорони  бахши мӯд ва намояндагони корхонаҳои дӯзандагӣ ширкат меварзанд.
Давраи омӯзиширо ширкати маъруфи русии «Fashion Consulting Group» дар доираи лоиҳаи Маркази тиҷорати байналмилалӣ (МТБ) мегузаронад. Лоиҳаи МТБ аз ҷониби Ҳукумати Швейтсария дар чаҳорчӯбаи «Барномаи ҳамкориҳо дар бахши тиҷорат дар Ҷумҳурии Тоҷикистон» маблағгузорӣ мешавад.
Ҳадафи давраи омӯзишӣ тақвияти дониши иштирокдорон доир ба васила ва роҳҳои муваффақи бозорёбӣ дар саноати мӯди замонавӣ мебошад. Дар давраи омӯзишӣ маркетологҳо ва соҳибкорон доир ба тарзи дурусти роҳандозии тиҷорат дар саноати мӯд, тарҳрезии рушди тиҷорат, бо назардошти имконияту чолишҳои худӣ дар муқоиса бо рақибон, стратегияи нархгузорӣ ва роҳҳои ҷалби муштариёни эҳтимолӣ маълумот мегиранд.
Анӯш Гаспарян, ҳаммуассис ва мудири тиҷоратии «Fashion Consulting Group» мегӯяд: «Дар давраи омӯзишӣ махсусан ба бозори мӯд дар Русия таваҷҷуҳ хоҳем кард, зеро ворид шудани  корхонаҳои Тоҷикистон ба он осонтар аст. Бозори Русия ҳамеша барои корхонаҳои дӯзандагии Тоҷикистон самти асосии содирот буд, вале саҳми маҳсулоти дӯзандагии Тоҷикистон дар ин бозор дар муқоиса бо кишварҳои дигар камтар аст. Тоҷикистон барои афзоиши содироти маҳсулоти дӯзандагиаш ба кишварҳои ИДМ, аз ҷумла Русия иқтидори хуб дорад, вале бар иловаи сифати хуб, дарки беҳтари талаботи бозор лозим аст».

Август 3, 2016 09:09

Хабарҳои дигари ин бахш

Дар шаҳри Бӯстон бинои бахши ҳифзи муҳити зист ифтитоҳ шуд
2 август Вазорати молия, Вазорати рушди иқтисод, Агентии содирот нишасти матбуотӣ баргузор менамоянд
Вобаста ба ҷалби занону духтарон ба хизмати давлатӣ дар баъзе вазорату идораҳо тадбирҳои дахлдор андешида намешаванд
ОБУ ҲАВО: Имрӯз дар Тоҷикистон ҳаво камабри тағйирёбанда шуда, раъду барқ ба амал меояд
ОБУ ҲАВО: Имрӯз дар Тоҷикистон ҳаво камабр ва тағйирёбанда мешавад
ОБУ ҲАВО: Имрӯз дар Тоҷикистон ҳаво камабри тағйирёбанда мешавад
Дар Вазорати меҳнат, муҳоҷират ва шуғли аҳолии Тоҷикистон 18 лоиҳаи санадҳои меъёрии ҳуқуқӣ таҳия гардиданд
Воридоти сармояи хориҷӣ ба Тоҷикистон нисбат ба ҳамин давраи соли гузашта 99 миллион доллар афзоиш ёфтааст
ОБУ ҲАВО: Имрӯз дар Тоҷикистон ҳаво камабр шуда, чангу ғубор боқӣ мемонад
COVID-19. Дар Тоҷикистон 88 ҳолати нави сирояти коронавирус ба қайд гирифта шуд
Дар Тоҷикистон барои табобати COVID-19 12 ҳазор табиб ва 36 ҳазор ҳамшираи шафқат ҷалб гардидаанд
Корхонаҳои коммуналии шаҳру ноҳияҳои Тоҷикистон ба маблағи беш аз 20 млн сомонӣ корҳои ободонию сабзазоркуниро анҷом доданд

Маводҳои таҳлилӣ