Ифтитоҳи муассисаи томактабӣ барои 150 нафар дар шаҳри Сарбанд
Душанбе, 24.08.2016. /АМИТ «Ховар»/. Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар кӯчаи Исмоили Сомонии шаҳри Сарбанд бо буридани лентаи рамзӣ, бинои хуштарҳу замонавии Муассисаи томактабии хусусии «Нигина»-ро ҳамчун туҳфаи ҷашнӣ дар арафаи 25-умин солгарди Истиқлолияти давлатӣ мавриди баҳрабардорӣ қарор дод.
Ҳамакнун дар ин муассиса 150 нафар дӯстрӯякон ба таълиму тарбияи томактабӣ фаро гирифта мешаванд. Барои тарбияи онҳо 15 мураббии кордону ботаҷриба ба кор ҷалб гардиданд, ки дар навбати худ бо маоши мувофиқ таъмин ҳастанд.
Чуноне иттилоъ дода шуд, корҳои сохтмонӣ дар ин Муассисаи томактабӣ аз моҳи январи соли 2015 оғоз гардида, инак бо иштироки Пешвои миллат, дар вазъияти тантанавӣ мавриди истифода қарор гирифт.
Фармоишгари иншоот соҳибкорзан Мадина Асадуллоева ва пудратчӣ Ҷамъияти дорои масъулияти маҳдуди «Собир-Сам» мебошанд.
Маблағи лоиҳавии иншоот 2 миллиону 500 ҳазор сомониро ташкил медиҳад ва он ба таври дуошёна бунёд гардидааст.
Муассисаи томактабии хусусии «Нигина» дар маҷмӯъ аз 10 ҳуҷра иборат мебошад, ки аз ин 6 ҳуҷраи хоб ва боқӣ барои корҳои амалию варзишӣ ва дигар машғулиятҳо нигаронида шудаанд.
Дар ошёнаи аввали бино ошхона бо 150 ҷойи нишаст дар хизмати тарбиятгирандагон қарор дорад.
Ҳуҷраи тиббӣ барои кумакҳои аввалия ва толори маҷлисӣ бо ғунҷоиши 50 ҷойи нишаст ҳам вобаста ба завқу хоҳиши кӯдакон оро ёфтаанд.
Таъкид гардид, ки дар шаҳри Сарбанд то ба имрӯз 3 адад чунин муассисаҳои томактабӣ фаъолият доштанд, ки дар онҳо 485 нафар кӯдакон ба таълиму тарбия фаро гирифта мешуданд. Бо мавриди истифода қарор гирифтани боз як муассисаи дигар, инак шумораи фарогирандагон бештар ва шароит ҳам хубтар шуд.
Муассисаи томактабии «Нигина» дар майдони 40 садяк бунёд гардида, атрофи он девор ва панҷарабандӣ гардидааст.
Сарвари давлат бо тамоми шароити муҳайёшуда дар ин Муассисаи нави томактабӣ шинос гардида, иқдоми муассиси онро бобати бунёди чунин як кӯдакистони зебову замонавӣ ва шароити хуби таълиму тарбия фароҳам овардан барои насли оянда намунаи ибрат хонд.
Пешвои миллат Эмомалӣ Раҳмон пас аз анҷоми сафари корӣ дар Вилояти Мухтори Кӯҳистони Бадахшон ба шаҳри Душанбе баргаштанд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ дар тантанаҳои идона ба ифтихори 28-солагии Рӯзи ваҳдати миллӣ иштирок намуданд
Суханронии Президенти Ҷумҳурии Тоҷикистон, Пешвои миллат Эмомалӣ Раҳмон ба ифтихори 28-солагии Рӯзи ваҳдати миллӣ
Сарвари давлат Эмомалӣ Раҳмон дар шаҳри Хоруғ бинои нави истиқоматии 5-ошёна барои хизматчиёни давлатиро мавриди истифода қарор доданд
Пешвои миллат Эмомалӣ Раҳмон дар ҳудуди Парки технологии шаҳри Хоруғ коргоҳҳои истеҳсолии маҳсулоти гӯштӣ ва обҳои табиии ташнашиканро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бо лоиҳаҳои биноҳои истиқоматӣ бо маркази хизматрасонию тиҷоратӣ, таваққуфгоҳи нақлиётӣ, меҳмонхона ва майдончаи варзишии кӯдакон шинос шуданд
Сарвари давлат Эмомалӣ Раҳмон дар шаҳри Хоруғ китобхонаи кӯдаконаи вилоятӣ, китобхонаи шаҳрии ба номи Ҳофизи Шерозӣ ва Маркази рушди зеҳни сунъиро ифтитоҳ намуданд
Пешвои миллат Эмомалӣ Раҳмон дар шаҳри Хоруғ Маркази фарҳангӣ, савдо ва Шурои иттифоқҳои касабаи вилоятро ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хоруғ чойхонаи Хатлонро ба истифода доданд
Сарвари давлат Эмомалӣ Раҳмон дар шаҳри Хоруғ пули мошингузарро мавриди баҳрабардорӣ қарор доданд
